Nau Hôr 27:18 - Nau Brah Ndu Ngơi 2023

¹⁸ Mbu nơm mât mray tơm rvi mra sa play păng, Jêh ri mbu nơm pah kan ma kôranh păng mra geh nau yơk.

Nau Hôr 27:18 ပူးပေါင်းရင်းမြစ်များ

II Phung Hađăch 18:31

Lơi ta iăt Y-Hêsêkia, yorlah hađăch Asiri lah pô aơ: Ƀư hom nau đăp mpăn đah gâp jêh ri luh ran lăp ma gâp; pôri ăp nơm tâm khân may mra dơi sa kao play tâm đang krăk ƀâu, n'gar rvi păng nơm, jêh ri nhêt dak tă bơh ndrâm ntu păng nơm,

II Phung Hađăch 3:11

Ƀiălah Y-Jôsaphat ôp: “Mâu geh hĕ nơm mbơh lor Brah Yêhôva ta aơ, bơh păng he dơi ôp ma Brah Yêhôva?” Du huê oh mon hađăch Israel plơ̆ lah: “Ta aơ geh Y-Êlisê, kon bu klâu Y-Saphat, jêng nơm hŏ pah kan ma Y-Êli.”

II Phung Hađăch 5:25

Y-Gêhasi lăp kơl kan ma kôranh păng, Y-Êlisê ôp: “Hơi Y-Gêhasi, mbah ntŭk may hăn ndơh?” Păng plơ̆ lah: “Oh mon may mâu geh ntŭk hăn ôh.”

II Phung Hađăch 5:27

Yor ri, ji phŭng Y-Naaman mra tưp ma may jêh ri ma phung kon sau may n'ho ro.” Y-Gêhasi luh tă bơh Y-Êlisê, jêh ri tưp ji phŭng nglang nâm bu pler.

Êsther 6:11

Y-Haman njŭn leo seh jêh ri sŏk ao hađăch nsoh an ma Y-Môrdêkai, jêh nây leo păng ncho seh nsong jŭm nkual toyh tâm ƀon, jêh ri nter lah tanăp măt păng pô aơ: “Bu mra ƀư tâm ban pônây ma bunuyh hađăch ŭch yơk!”

Nau Mprơ Ơm 123:2

Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nau Ngluh Êjipt 24:13

Y-Môis ndrel ma Y-Yôsuê, bunuyh kơl pah kan ma păng, dâk jêh ri Y-Môis hăn hao ta klơ yôk Brah Ndu.

Nau Hôr 17:2

Du huê dĭk bu nau blau mĭn mra chiă uănh du huê kon kôranh mâu iăt nau, Jêh ri dơi dơn drăp ndơn ndrel ma phung oh nâu tâm ngih.

Nau Hôr 22:29

May saơ lĕ mbu moh gơih tâm nau kan păng pah? Bunuyh nây mra pah kan phung hađăch, Mâu di ôh mra pah kan ma bunuyh ƀon lan.

Nau Hôr 27:17

Tâm ban ma loih tôl mplanh ndrăng loih, Tâm ban lĕ, kon bunuyh tôl muh măt mĭt jiăng păng.

Nau Hôr 27:19

Muh măt chrâng tâm dak kơt nây lĕ, Nuih n'hâm bunuyh ndrăng bunuyh nâm bu pônây lĕ.

Nau Mprơ Ueh 8:12

Hơi hađăch Y-Salômôn, du rbăn glo prăk jêng ndơ hađăch, Bar rhiăng jêng ndơ phung kan nkhôm. Bi đang krăk ƀâu gâp jêng ndơ gâp yơh.

Êsai 36:16

Lơi ta iăt Y-Hêsêkia ôh, yorlah hađăch Asiri lah pô aơ: Ƀư hom nau đăp mpăn đah gâp jêh ri ăn may văch ta gâp, pôri ăp nơm tâm khân may ăt mra dơi sa play krăk ƀâu, play rvi, jêh ri nhêt dak bơh nglao prăp păng nơm,

Mathay 24:25

Aơ, Gâp mbơh lor ma khân may jêh.

Mathay 24:46

Ueh maak yơh ma oh mon nây, tơlah kôranh tât jêh ri saơ păng ƀư pônây!

Markôs 10:43

Ƀiălah ta nklang khân may mâu di pônây ôh. Ƀiălah, mbu nơm ŭch jêng toyh tâm phung khân may, ăn păng jêng oh mon,

Luka 12:37

Ueh maak yơh ma phung oh mon nây, tơlah kôranh sĭt tât jêh ri saơ khân păng gŭ rngeh! Nanê̆ ngăn, Gâp lah ma khân may, kôranh mra rêt rse bŭt păng nơm, jă phung oh mon gŭ ta sưng sông sa jêh ri văch pah kan ma khân păng.

Luka 12:42

Brah Yêsu lah: “Mbu nơm jêng bunuyh chiă uănh blau mĭn jêh ri răp jăp, kôranh jao ăn păng mât uănh ngih kôranh gay păng ăn ndơ sông sa di mông?

Luka 19:17

Kôranh lah: ‘Hơi oh mon sŏng, ueh ngăn, yorlah may hŏ răp jăp tâm kan jê̆, may mra dơi chiă uănh jât ƀon.’

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Kôranh Oh Mon 10:7

Tơlah tông mpăr ngơi đah păng lĕ du jêh, Y-Kôrnei kuăl bar hê bunuyh tâm phung oh mon păng jêh ri du huê tahan klach yơk tâm dâng nau dơi păng,

I Kôrintô 3:8

Nơm tăm jêh ri nơm djrah dak tâm ban da dê; ăp nơm mra sŏk dơn prăk nkhôm tĭng nâm kan păng nơm pah.

I Kôrintô 9:13

Khân may mâu gĭt hĕ mbu nơm rvê pah kan tâm ngih brah mra sa ndơ nhhơr tâm ngih brah, bi mbu nơm rvê pah kan ta nơng ƀư brah geh ndơ bơh nơng ƀư brah nây lĕ ƀơh?

I Kôrintô 9:7

Geh đŏng nơm sŏk prăk vâl păng nơm gay ma hăn tâm lơh đah phung rlăng? Geh đŏng nơm tăm đang krăk ƀâu ƀiălah mâu sa play păng? Mâu lah mbu nơm mât phung mpô mpa rong, ƀiălah mâu dŏng dak toh păng?

Kôlôh 3:22

Hơi phung ƀư dĭk bu, tông bâr hom ma kôranh khân may ta neh ntu aơ tâm lĕ rngôch ndơ, mâu knŏng tông bâr tra năp măt khân păng, nâm bu nơm srôih ƀư maak nuih n'hâm bu, ƀiălah yor klach yơk ma Kôranh Brah, tông bâr ndrel ma nuih n'hâm nanê̆.

II Timôthê 2:6

Nơm kan mir rgănh pah kan, mra dơn kao play lor lơn.

I Pêtrôs 2:18

Jêng phung oh mon, khân may tông hom ma phung kôranh khân may nơm ma lĕ nuih n'hâm klach yơk, mâu knŏng ma phung kôranh rdơ̆ rbăn, ueh ngăn, ƀiălah nđâp ma phung kôranh geh nau mĭn mhĭk tâm ban lĕ.

I Pêtrôs 2:21

Khân may geh jêh nau kuăl ma nau nĕ, yorlah Brah Krist anh dơn jêh nau rêh ni ma khân may, prăp ma khân may du nơm leo trong, gay ma khân may hăn tĭng têl jâng Păng;

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.