Nau Hôr 25:2 - Nau Brah Ndu Ngơi 2023

² Nau chrêk ma lơp bơh Brah Ndu pôn ndâp du ntil nau, Ƀiălah nau chrêk ma lơp bơh phung hađăch jêng joi saơ du ntil nau nây.

Nau Hôr 25:2 ပူးပေါင်းရင်းမြစ်များ

II Samuel 1:5

Y-Đavit ôp ma nơm ndăm nkoch bri ma păng nây: “Mâm may gĭt ma Y-Sôl jêh ri kon bu klâu păng Y-Jônathan lĕ khĭt jêh?”

II Samuel 14:19

Hađăch ôp: “Di lĕ ti Y-Jôap gŭ ndrel ma ay tâm lĕ nau aơ?” Bu ur nây plơ̆ lah: “Hơi hađăch jêng kôranh gâp, nanê̆ tĭng nâm may hôm rêh, bu mâu dơi teng ôh pa ma mâu lah pa chiau tâm lĕ nau hađăch jêng kôranh gâp hŏ lah jêh. Di ngăn, nây jêng Y-Jôap, oh mon hađăch, hŏ ntăm jêh ma gâp jêh ri păng yơh ăn oh mon bu ur hađăch ngơi lĕ nau aơ.

Êsra 4:15

gay ma bu sek uănh joi tâm nau rêh jêng phung chô yau hađăch. Tơlah bu sek uănh joi tâm ndrom samƀŭt nau rêh jêng nây, hađăch mra gĭt pô aơ ƀon nây jêng du ƀon tâm rdâng, ƀư nau mhĭk ma phung hađăch jêh ri lĕ n'gor. Ntơm bơh rnôk kăl e, phung ƀon lan gŭ ta nây vay ƀư nau tâm rdâng jêh ri yor nau nây ƀon aơ bu hŏ ƀư rai jêh.

Êsra 4:19

Gâp hŏ ăn nau ntrŭnh bu sek uănh joi jêh ri bu lĕ saơ ntơm bơh rnôk rô̆ kăl e, ƀon aơ vay ƀư nau tâm rdâng ma phung hađăch, tâm rdâng jêh ri ƀư nau tâm rdâng vay tât geh tâm ƀon nây.

Êsra 5:17

Pôri aƀaơ, tơlah hađăch mĭn ueh, ăn bu sek uănh joi hom tâm ntŭk jrô prăp lĕ ndơ khlay ngih hađăch ta Babilôn, gay saơ gĭt lah ngăn hađăch Sirus ăn samƀŭt nau ntrŭnh ndâk đŏng ngih brah ma Brah Ndu ta ƀon Yêrusalem mâu lah mâu. Pakơi nây, dăn hađăch ăn samƀŭt nau ntrŭnh ma nau kan aơ.”

Êsra 6:1

Hađăch Darius ntrŭnh ăn bu sek uănh joi tâm ngih jrô prăp samƀŭt ndơ khlay tâm bri Babilôn.

Ndrom Samƀŭt bơh Yôp 29:16

Gâp jêng mbơ̆ phung o ach, Phat dôih nau di ma phung bu năch.

Ndrom Samƀŭt bơh Yôp 38:4

Lah Gâp n'gân mbon rplay neh pôri ta ntŭk may gŭ? Tơlah may gĭt rbăng, nkoch hom ăn ma Gâp gĭt.

Ndrom Samƀŭt bơh Yôp 40:2

“Rêt hom rse bŭt nâm bu du huê tahan ktang, Gâp mra ôp may jêh ri may mra plơ̆ lah ma Gâp.

Ndrom Samƀŭt bơh Yôp 42:3

Kôranh Brah ôp: ‘Mbu nơm aơ dơi janh dŏng nau ngơi mâu gĭt vât mo nau mĭn nchră bơh Gâp?’ Nanê̆, gâp hŏ ngơi jêh nau gâp mâu gĭt rbăng, Lĕ nau khlay ir ngăn, kŏ tât gâp mâu dơi rbăng.

Nau Hôr 25:27

Sa dak sŭt âk ir mâu ueh ôh, Rvê ir tĭng joi nau chrêk rmah ăn păng nơm nâm bu pônây lĕ.

Nau Hôr 25:3

Khân păng mâu dơi chrâng ôh lĕ nau prêh trôk jêh ri nau jru rplay neh nâm kơt nây, Pôri mâu lĕ dơi chrâng đŏng nuih n'hâm phung hađăch nâm pônây.

Nơm Nti 1:13

Gâp joi gĭt lĕ nuih n'hâm jêh ri dŏng nau blau mĭn gâp nơm gay sek uănh lĕ rngôch kan tât geh tâm dâng trôk. Nây jêng nau kan hŏt rgănh Brah Ndu hŏ jao ăn ma kon bunuyh rvê ƀư.

Nau Vay Nkah Tay 29:28

Tâm nau ji nuih, krit mbât jêh ri nau ji nuih lĕ dŭt n'hâm Brah Yêhôva hŏ ngluh lơi jêh phung ƀon lan aơ bơh n'gor khân păng jêh ri klŭp mƀăr khân păng tâm n'gor êng, nâm bu nau lĕ geh nar aơ.”

Nau Vay Nkah Tay 29:29

Lĕ nau ndâp prăp ma Yêhôva Brah Ndu he, ƀiălah lĕ nau păng tâm mpơl jêh prăp ma he jêh ri ma phung kon sau he ƀaƀơ n'ho ro, gay ma he tĭng kơt lĕ rngôch nau ngơi tâm nau vay aơ.