Nau Hôr 24:9 - Nau Brah Ndu Ngơi 2023

⁹ Nau mĭn rluk jêng nau tih; Bunuyh mưch bu mra tâm rmot.

Nau Hôr 24:9 ပူးပေါင်းရင်းမြစ်များ

Nau Ntơm 6:5

Brah Yêhôva saơ nau djơh mhĭk kon bunuyh lam klơ neh jêh ri khân păng knŏng rvê mĭn ma nau djơh mhĭk dơm,

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Nau Mprơ Ơm 119:113

Gâp tâm rmot ma phung geh nuih n'hâm tâm pă bar, Ƀiălah gâp rŏng kơnh ma nau vay May.

Nau Hôr 21:24

“Mưch” jêng ntơ phung n'hao êng nơm, nau sưr, Păng gŭ ngao ma nau mƀruh tĭng nau mơng sưr rlau păng.

Nau Hôr 22:10

Mprơh hom phung mưch, pôri nau tâm rlăch mra du tâm ban lĕ; Nau tâm rlăch jêh ri nau suai rak mra mâu hôm.

Nau Hôr 23:7

Yorlah ntil nau păng mĭn tâm nuih n'hâm rĭ mơ jêng săk păng ngăn. Păng lah ma may: “sông sa nhêt hom!” Ƀiălah păng mâu geh ôh nuih n'hâm ngăn đah may.

Nau Hôr 24:8

Mbu nơm mĭn plăch ŭch ƀư nau mhĭk Bu mra kơp păng jêng bunuyh mƀruh.

Nau Hôr 29:8

Phung dăng mưch mpoh ŭnh ăn ƀon toyh roh rai, Ƀiălah bunuyh blau mĭn ƀư ăn djoh nau ji nuih.

Nau Hôr 9:7

Mbu nơm nkra nti bunuyh mưch mra sŏk dơn nau bêk prêng ma păng nơm; Jêh ri mbu nơm nduyh bunuyh janh ƀai mra sŏk dơn nau ƀơ̆ ƀơch.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Mathay 5:28

Ƀiălah Gâp lah ma khân may gĭt: Mbu nơm uănh ma bu ur ma nau kơnh, pôri tâm nuih n'hâm păng hŏ ƀư tih văng tĭr jêh đah bu ur nây.

Mathay 9:4

Brah Yêsu hŏ gĭt jêh nau mĭn khân păng, Păng lah: “Mâm ƀư khân may geh nau mĭn mhĭk tâm nuih n'hâm kơt nây?

Kôranh Oh Mon 8:22

Pôri, rmal hom ma nau mhĭk may jêh ri mbơh sơm ma Kôranh Brah, gay Păng mra yô̆ an nau mĭn nây tâm nuih n'hâm may.

II Kôrintô 10:5

rlâm lơi lĕ nau blau ngơi jêh ri ăp ntil nau sưr tâm rdâng đah nau gĭt rbăng Brah Ndu, jêh ri nchâp lĕ rngôch nau mĭn tông ma Brah Krist.