Nau Hôr 24:17 - Nau Brah Ndu Ngơi 2023

¹⁷ Lơi ta răm rhơn ôh lah phung rlăng may prah cha lôt, Dôl păng lĕ bu n'glưh, nuih n'hâm may lơi ta hâk răm,

Nau Hôr 24:17 ပူးပေါင်းရင်းမြစ်များ

II Samuel 3:32

Tơlah khân păng tâp Y-Apner ta Hêbron jêh, hađăch nhĭm nter klơ môch Y-Apner; jêh ri lĕ rngôch phung ƀon lan nhĭm tâm ban lĕ.

Ndrom Samƀŭt bơh Yôp 31:29

Hŏ geh gâp răm maak nôk phung tâm rmot ma gâp geh nau rêh ni, Jêh ri răm rhơn lah geh nau mhĭk tât ma păng;

Nau Mprơ Ơm 35:15

Ƀiălah tơlah gâp chêh prah, khân păng tâm rƀŭn răm maak, Phung nchơt tâm rƀŭn tâm rdâng ma gâp ƀiălah gâp mâu gĭt ôh; Khân păng sa hêk gâp mâu rlu.

Nau Mprơ Ơm 35:19

Lơi ăn phung rlăng đah gâp jêng phung mƀruh nchơt geh nau răm maak. Mâu ăn lĕ phung rmot ma gâp mâu geh nô nau ntơ̆ măt lôr ndăng ma gâp.

Nau Mprơ Ơm 42:10

Dôl phung rlăng nsŭch ma gâp, Ăp nar khân păng ôp ƀaƀơ: “Mbah Brah Ndu may?” Ƀư ma gâp ji ngăn nâm bu pă nting.

Nau Hôr 17:5

Mbu nơm mưch bunuyh ndĭt trơi jêng suai rak ma Nơm Rhăk Njêng păng; Mbu nơm maak răm ma nau rêh ni mâu mra klaih ôh bơh nau tâm rmal.

Nau Hôr 24:18

Klach lah Brah Yêhôva mâu maak ôh ma nau nây, Jêh ri nau ji nuih Păng klaih bơh nơm nây đŏng.

Apdia 1:12

Di lah, may lơi troh gơm uănh oh nâu may Tâm nar păng geh nau rêh ri; Lơi ta răm maak Ta nar bu ƀư khĭt oh kon Yuđa; Lơi dĭng ngơi hưn Ta nar păng dơn rêh ni.

Mika 7:8

Hơi nơm rlăng gâp, lơi ta răm maak ôh yor gâp. Nđâp lah gâp lĕ cha lôt, gâp mra dâk đŏng; Nđâp lah gŭ tâm ntŭk nau ngo, Brah Yêhôva mra jêng nau ang ma gâp.

Phung Kôranh Phat Dôih 16:25

Dôl nuih n'hâm khân păng răm maak, khân păng nter: “Kuăl hom Y-Samsôn gay ăn ma păng tâm mpơl nau pâl ma he.” Pônây, khân păng leo Y-Samsôn luh tă bơh ndrung bu nă, jêh ri Y-Samsôn pâl tanăp khân păng. Jêh nây khân păng ăn Y-Samsôn dâk vah vang lĕ meh gâng ngih brah.