Nau Hôr 24:14 - Nau Brah Ndu Ngơi 2023

¹⁴ Ăn gĭt hom pô aơ nau blau mĭn đah huêng may tâm ban pônây đŏng; Tơlah may dơi joi nau blau mĭn nanê̆ mra geh du nar kăndơ̆. Jêh ri nau may kâp gân mâu mra jêng roh hêng ôh.

Nau Hôr 24:14 ပူးပေါင်းရင်းမြစ်များ

Nau Mprơ Ơm 119:103

Nau May ngơi jêng njŭng mpiăt gâp hâu ngăn! Nanê̆ njŭng lơn ma dak sŭt tâm trôm mbung gâp!

Nau Mprơ Ơm 119:111

Nau May ntĭnh jêng drăp ndơn ma gâp ƀaƀơ, Yorlah khân păng jêng nau maak ma nuih n'hâm gâp.

Nau Hôr 16:24

Nau ngơi ueh jêng nâm bu mpơng sŭt, Kah njŭng ăn ma huêng jêh ri nau dăng ktang ma săk jăn.

Nau Hôr 2:10

Yorlah nau blau mĭn mra lăp tâm nuih n'hâm may, Nau blau mĭn mra ƀư maak huêng may.

Nau Hôr 22:18

Yorlah may mra maak lah may prăp păng tâm nuih n'hâm, Jêh ri rgum păng tâm bâr mbung may.

Nau Hôr 23:18

Yorlah n'hêl nê̆ mra geh du nau dăch dŭt ma nau ueh, Jêh ri nau kâp gân may mâu mra roh hêng ôh.

Yêrêmi 15:16

Mâp geh nau May ngơi, gâp hŏ sa rvăn jêh; Nau May ngơi jêng nau răm maak, hâk maak ma nuih n'hâm gâp; Yorlah gâp dơi ntơ ma amoh May, Ơ Yêhôva Brah Yêhôva ma phung tahan.

Mathay 19:21

Brah Yêsu lah: “Tơlah may ŭch dơi nŭm rĭng, hăn hom, tăch lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk; jêh nây văch hom tĭng Gâp.”

Yakơ 1:25

Ƀiălah mbu nơm sek uănh nanê̆ nau vay di ngăn nây, jêng nau vay djôt leo nau jêng kon me, jêh ri nuih n'hâm srôih sek uănh, mâu di knŏng tăng jêh ri chuêl lơi, ƀiălah păng ƀư tĭng nâm nau nây, bunuyh nĕ mra geh nau ueh maak ngăn tâm kan păng nơm.