Nau Hôr 24:12 - Nau Brah Ndu Ngơi 2023

¹² Tơlah may lah: “Ri, hên mâu gĭt ôh nau aơ,” Pôri Nơm njing nuih n'hâm may mâu di hĕ sek uănh lĕ nau nây? Jêh ri Nơm mât mray huêng may mâm dĭng mâu gĭt? Păng mra mplơ̆ ma ăp nơm tĭng nâm moh kan khân păng ƀư?

Nau Hôr 24:12 ပူးပေါင်းရင်းမြစ်များ

Ndrom Samƀŭt bơh Yôp 34:11

Păng mra nkhôm ăn ma kon bunuyh tĭng nâm nau kan păng hŏ pah, Mra ƀư ăn tât ma ăp nơm tĭng nâm nau khân păng gŭ rêh.

Nau Mprơ Ơm 121:3

Păng mâu mra ăn jâng may prah mbĭr; Nơm mât mray may mâu bê̆ch ôh.

Nau Mprơ Ơm 121:8

Brah Yêhôva mra mât mray may Dôl luh dôl lăp, Ntơm bơh aƀaơ kŏ tât n'ho ro.

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 44:21

Brah Ndu mâu mra sek uănh ôh nau nây? Yorlah Păng gĭt ntŭk ndâp tâm nuih n'hâm.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

Nau Mprơ Ơm 66:9

Păng yơh mât mơh njrăng nau rêh he, Mâu ăn jâng he mbĭr prah.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Mprơ Ơm 94:9

Nơm njêng jêh trôm tôr mâu mra tăng lĕ? Nơm njêng jêh măt mâu mra saơ lĕ?

Nau Hôr 12:14

Du huê bunuyh mra dơi geh bêng ler nau ueh yor play bơh bâr mbung păng, Jêh ri ăp nơm mra sŏk dơn tĭng nâm kan ti păng hŏ ƀư.

Nau Hôr 16:2

Lĕ rngôch trong kon bunuyh jêng kloh rsang da dê tĭng măt păng nơm, Ƀiălah Brah Yêhôva mêt uănh tâm nuih n'hâm.

Nau Hôr 21:2

Lĕ rngôch trong bơh kon bunuyh sŏng da dê tĭng măt păng nơm, Ƀiălah Brah Yêhôva mêt uănh nuih n'hâm.

Nau Hôr 5:21

Yorlah lĕ trong kon bunuyh hăn gŭ panăp măt Brah Yêhôva, Păng rli lâng lĕ rngôch trong hăn khân păng.

Nau Hôr 5:22

Phung mhĭk mra tŭp tâm nau tih păng nơm, Jêh ri rse nau tih chăp păng nơm.

Nơm Nti 5:8

Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 32:19

Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Nau Nhĭm Vơl 3:36

Gay ƀư nau mhĭk ăn ma bunuyh tâm nau phat dôih, Kôranh Brah mâu sŏk dơn ôh.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Kôranh Oh Mon 17:28

Yorlah gŭ tâm Păng yơh, he geh nau rêh, nau blau mpât jêh ri nau jêng bunuyh, tâm ban ƀaƀă bunuyh blau mprĭng khân may lah pô aơ: ‘He luh tă bơh ndŭl mpôl Păng yơh.’

Samƀŭt Pôl Njuăl Ăn Ma Phung Nsing Ta Ƀon Rôm 2:16

Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.

Samƀŭt Pôl Njuăl Ăn Ma Phung Nsing Ta Ƀon Rôm 2:6

yorlah păng mra mplơ̆ ma ăp nơm tĭng nâm kan khân păng ƀư.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Nau Tâm Mpơl 1:18

jêng Nơm Rêh; Gâp hŏ khĭt, aƀaơ aơ Gâp rêh n'ho ro, djôt keh khuă Nau Khĭt jêh ri Ƀon Phung Khĭt.

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk:

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

Nau Tâm Mpơl 22:12

“Aơ, Gâp văch gơnh, jêh ri djôt nau Gâp nkhôm ndrel ma Gâp, gay ăn ma ăp nơm tĭng nâm kan păng ƀư jêh.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.

I Samuel 2:6

Brah Yêhôva ƀư nkhĭt, ăn dâk rêh đŏng; Păng djôt leo bu trŭnh tâm ƀon phung khĭt, jêh nây djôt leo hao tă bơh ta nây.

I Samuel 25:29

Tơlah geh nơm ŭch tĭng nhŭp may jêh ri joi nau ngroh lơi nau rêh kôranh, pôri Yêhôva Brah Ndu may mra nkŭm nau rêh kôranh; bi nau rêh phung rlăng may Brah Yêhôva mra klŭp mƀăr ngai nâm bu klŭp lŭ tă bơh ntâu rvĭt.