Nau Hôr 23:7 - Nau Brah Ndu Ngơi 2023

⁷ Yorlah ntil nau păng mĭn tâm nuih n'hâm rĭ mơ jêng săk păng ngăn. Păng lah ma may: “sông sa nhêt hom!” Ƀiălah păng mâu geh ôh nuih n'hâm ngăn đah may.

Nau Hôr 23:7 ပူးပေါင်းရင်းမြစ်များ

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Mprơ Ơm 55:21

Bâr mbung păng mbĭr tâm ban ma dak ngi Ƀiălah tâm nuih n'hâm nchră mĭn nau tâm lơh. Nau ngơi păng ueh lơn ma ngi Ƀiălah jêng đao tŏk rơm lơi jêh.

Nau Hôr 19:22

Nau bu gay ŭch ma du huê bunuyh jêng nuih n'hâm răp jăp, Ueh lơn ƀư bunuyh o ach rlau lơn jêng nơm ngơi mƀruh.

Nau Hôr 26:23

Bâr mbung duh nđơr ƀiălah nuih n'hâm mhĭk Tâm ban ma yăng neh mbĭr prăk padih.

Nau Hôr 26:24

Bunuyh tâm rmot n'hi ngơi nau ueh padih mbung, Ƀiălah tâm trôm nuih n'hâm nchră nau ndơm;

Nau Hôr 26:25

Lah păng ngơi kah njŭng lơi ta rnơm, Yorlah tâm nuih n'hâm păng geh pơh ntil nau tâm rmot.

Daniel 11:27

Bi ma bar hê hađăch nây, tâm nuih n'hâm ŭch mĭn ƀư mhĭk ndrăng khân păng nơm; khân păng gŭ ndrel du mlâm sưng sông sa ƀiălah khân păng tâm ngơi ma nau ndơm. Ƀiălah nau ngơi nây mâu jêng yorlah nau nglĕ dŭt mra tât tâm rnôk tâm nal jêh.

Luka 7:39

Bunuyh Pharisi jă jêh Brah Yêsu, saơ kơt nây, mĭn êng: “Tơlah bunuyh aơ jêng nơm mbơh lor, nanê̆ ngăn gĭt năl bu ur pah ta Păng jêng mbu moh, mâm moh bunuyh, yor păng jêng bu ur tih.”

Phung Kôranh Phat Dôih 16:15

Rnôk nây, păng lah ma Y-Samsôn: “Mâm may dơi lah ‘gâp rŏng ma ay,’ tâm nôk nuih n'hâm may mâu geh ndrel ma gâp? May ndơm ma gâp pe tơ̆, jêh ri may mâu lah ôh ma gâp gĭt mbah tă may geh nau ktang toyh kơt nĕ.”