Nau Hôr 23:20 - Nau Brah Ndu Ngơi 2023

²⁰ Lơi tâm rnglăp ôh ndrel ma phung dăng nhêt ndrănh, Mâu lah ndrel phung kơnh sa;

Nau Hôr 23:20 ပူးပေါင်းရင်းမြစ်များ

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 21:17

Mbu nơm nđơr ir nau pâl rlưn nanê̆ mra o ach; Bi nơm rŏng ma ndrănh ndrel dak ngi ôlive mâu mra ƀư ndrŏng.

Nau Hôr 23:2

Tơlah may ơm kơnh sa, Dơm hom du mlâm pêh ta trô ko may.

Nau Hôr 28:7

Mbu nơm djôt prăp nau vay jêng du huê kon blau mĭn, Bi ma nơm ƀư băl đah phung blă blơ ƀư bêk mbơ̆ păng nơm.

Êsai 22:13

Ntrok đah nau aơ, khân may nkhơng ma hâk răm: Chôk ndrôk, nkhĭt biăp, Sa puăch jêh ri nhêt ndrănh. Khân may lah: “Aƀaơ, sông sa nhêt hom, Yorlah nar ôi taơ he mra khĭt!”

Êsai 5:11

Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Êsai 5:22

Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Mathay 24:49

jêh nây păng ntơm dong mbang phung băl pah kan ndrel păng, jêh ri păng sông sa nhêt ndrel đah phung nhŭl ndrănh.

Luka 15:13

Jêh nây mâu ir jŏ, oh nây sŏk lĕ drăp ndơ jêh ri hăn tât du n'gor ngai; ta nây, păng pâl rlưn ƀư blă blơ, ƀư roh drăp păng, mpŭng drăp ndơ păng nơm.

Luka 16:19

“Geh jêh du huê bunuyh ndrŏng nsoh ao chăng krăk jêh ri ao bok mhay rhên, ăp nar nhêt sa răm maak ngăn.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

Nau Vay Nkah Tay 21:20

Mê̆ mbơ̆ mra lah ma phung kôranh bu ranh ƀon pô aơ: ‘Aơ kon hên dăng bôk jêh ri vay tâm rdâng, păng mâu ŭch tông bâr hên ôh, păng jêng du huê bunuyh knŏng ŭch nhêt sa jêh ri mơng nhŭl ndrănh.’