Nau Hôr 23:19 - Nau Brah Ndu Ngơi 2023

¹⁹ Hơi kon gâp, iăt hom jêh ri dơi jêng blau mĭn, Rle hom nuih n'hâm may lăp tâm trong di.

Nau Hôr 23:19 ပူးပေါင်းရင်းမြစ်များ

Nau Hôr 23:12

Ăn gơih hom lĕ nuih n'hâm ma nau ntĭm nti, Jêh ri rkêng tôr iăt lĕ nau blau mĭn âk.

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Nau Hôr 4:26

Rli hom ăn lâng trong jâng may, Gay lĕ trong may dơi jêng nâp ktang.

Nau Hôr 6:6

Hơi nơm ƀlao, văch uănh hom phung ngonh, Mêt uănh mâm nau păng gŭ rêh gay nti nau blau.

Nau Hôr 9:6

Chalơi hom nau rluk mra dơi rêh, Jêh ri chuat hom tĭng trong nau gĭt rbăng.”

Nau Vay Nkah Tay 21:20

Mê̆ mbơ̆ mra lah ma phung kôranh bu ranh ƀon pô aơ: ‘Aơ kon hên dăng bôk jêh ri vay tâm rdâng, păng mâu ŭch tông bâr hên ôh, păng jêng du huê bunuyh knŏng ŭch nhêt sa jêh ri mơng nhŭl ndrănh.’

Nau Vay Nkah Tay 4:9

Ăn khân may njrăng hom jêh ri chiă mât njrăng huêng khân may, lơi chuêl moh nau măt khân may saơ jêh, jêh ri du bông nau rêh lơi ăn lĕ nau nây du bơh nuih n'hâm khân may. Ƀiălah nti hom nau nây ma phung kon jêh ri ma phung sau khân may.