Nau Hôr 23:17 - Nau Brah Ndu Ngơi 2023

¹⁷ Nuih n'hâm may lơi keh nach đah phung tih, Ƀiălah ăp nar klach yơk hom ma Brah Yêhôva.

Nau Hôr 23:17 ပူးပေါင်းရင်းမြစ်များ

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Hôr 15:16

Ueh lơn geh djê̆ drăp ndơ ƀiălah klach yơk ma Brah Yêhôva Rlau lơn đah geh âk drăp ndơ ƀiălah nau rŭng răng tĭng groi.

Nau Hôr 24:1

Lơi keh nach ôh đah phung mhĭk, Mâu lĕ ŭch gŭ ndrel ma khân păng.

Nau Hôr 24:19

Lơi hao ji nuih ôh yor phung ƀư mhĭk, Lơi keh nach ma phung janh ƀai;

Nau Hôr 24:21

Hơi kon gâp, klach yơk hom ma Brah Yêhôva jêh ri yơk ma hađăch; Lơi tâm rnglăp ôh đah phung tâm rdâng,

Nau Hôr 28:14

Bunuyh klach yơk ma Kôranh Brah dơi geh nau ueh uĭn ƀaƀơ; Bi ma nơm dăng nuih n'hâm mra tŭp tâm nau rêh ni.

Nau Hôr 3:31

Lơi keh nach ôh đah nơm djơh janh, Mâu đŏng tĭng ndô̆ trong păng;

Nơm Nti 5:6

Lơi ăn trôm mbung may ƀư ăn may tih, jêh ri lơi ngơi tanăp nơm mbơh Brah Ndu pô aơ: “Nây jêng vĭ.” Mâm may ƀư ăn Brah Ndu ji nuih yor nau ngơi may, jêh ri Păng ƀư rai kan ti may?

Nơm Nti 5:7

Ta ntŭk geh âk ir nau mbơi, ta nây geh âk nau dơm dam jêh ri âk nau ngơi. Pôri, klach yơk hom ma Brah Ndu.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.