Nau Hôr 22:7 - Nau Brah Ndu Ngơi 2023

⁷ Bunuyh ndrŏng chiă uănh phung o ach, Mbu nơm manh dăn jêng dĭk ma nơm ăn manh.

Nau Hôr 22:7 ပူးပေါင်းရင်းမြစ်များ

II Phung Hađăch 4:1

Nôk nây, ur du huê tâm phung oh mon phung nơm mbơh lor vơl ma Y-Êlisê: “Sai gâp jêng oh mon may lĕ khĭt jêh, jêh ri may gĭt jêh ma oh mon may klach yơk jêh ma Brah Yêhôva. Aƀaơ aơ, nơm tơm rnon văch gay nhŭp lơi bar hê kon bu klâu gâp gay ƀư dĭk.”

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nau Hôr 18:23

Bunuyh o ach vơh vơl dăn nau yô̆, Bi ma bunuyh ndrŏng plơ̆ lah ma nau ngơi dăng.

Nau Hôr 22:16

Phung tŭn jot bunuyh o ach gay ƀư ndrŏng ăn păng nơm, Nâm bu drăp blŏl ăn ma bunuyh ndrŏng, Njŭn leo nau ndĭt trơi da dê.

Nau Hôr 22:22

Lơi tŭn jot ôh bunuyh o ach yorlah khân păng ndĭt trơi, Mâu lĕ tŭn jot bunuyh rêh ni ta mpông ƀon;

Êsai 24:2

Rnôk nây, lĕ rngôch bunuyh mra nsum ndrel nau mrô nal: Kôranh ƀư brah tâm ban đŏng ma phung ƀon lan; Kôranh bu klâu tâm ban ma bu klâu dĭk, kôranh bu ur tâm ban ma bu ur dĭk; Nơm tăch tâm ban đŏng ma nơm rvăt; Nơm ăn chan tâm ban ma nơm chan, Kôranh ăn bu manh ndơ tâm ban ma nơm manh.

Amôt 2:6

Brah Yêhôva lah: “Yor nau tih mhĭk Israel ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng hŏ tăch bunuyh sŏng srăng sŏk prăk, Tăch phung ndĭt trơi sŏk du kôp jep.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Amôt 8:4

Iăt hom nau aơ! Khân may jêng phung bunuyh tŭn jot phung ndĭt trơi, Ƀư rai phung o ach tâm n'gor.

Amôt 8:6

Gay he sŏk prăk rvăt phung o ach, Rgâl bunuyh ndĭt trơi sŏk đah du kôp ntâu jot Jêh ri tăch tât ma ba nsiăp đŏng.”

Mathay 18:25

Yorlah bunuyh nây mâu geh moh ndơ gay mplơ̆ rnon ôh, pôri hađăch ntrŭnh bu tăch păng, ur kon, jêh ri lĕ rngôch ndơ păng geh, gay mplơ̆ rnon.

Yakơ 2:6

Ƀiălah khân may mưch rmot ma phung o ach. Mâu di phung ndrŏng hĕ tŭn jot khân may, têk khân may văch tanăp ntŭk ngih phat dôih?

Yakơ 5:1

Aƀaơ aơ, hơi phung oh nâu jêng phung ndrŏng! Nhĭm nhhiăng hom, vơl dăn hom yorlah nau rêh ni mra nkhŭt jŭr ta klơ khân may.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.