Nau Hôr 22:29 - Nau Brah Ndu Ngơi 2023

²⁹ May saơ lĕ mbu moh gơih tâm nau kan păng pah? Bunuyh nây mra pah kan phung hađăch, Mâu di ôh mra pah kan ma bunuyh ƀon lan.

Nau Hôr 22:29 ပူးပေါင်းရင်းမြစ်များ

Nau Ntơm 41:38

Pharaôn lah ma phung oh mon păng: “Mbah ntŭk he joi dĭng geh du huê bunuyh tâm ban ma nơm aơ, du huê geh Huêng brah bơh Brah Ndu gŭ tâm păng?”

Nau Ntơm 41:46

Y-Yôsep geh pe jât năm nôk păng dâk tanăp Pharaôn, hađăch Êjipt. Păng tâm nkhah đah Pharaôn gay ma hăn sek uănh lam n'gor Êjipt.

Nau Ntơm 47:6

N'gor Êjipt dôl gŭ panăp măt may, ăn mbơ̆ may jêh ri phung oh nâu may gŭ tâm ntŭk dŭt ueh tâm n'gor aơ. Ăn khân păng gŭ tâm n'gor Gôsen. Tơlah may gĭt tâm phung khân păng geh bunuyh gĭt blau jao ma păng chiăp rong lĕ phung mpô mpa gâp.”

II Samuel 2:32

Khân păng tung Y-Asahel jêh ri tâp păng tâm môch mbơ̆ păng ta Ƀêtlêhem. Jêh nây Y-Jôap jêh ri phung tahan păng hăn lĕ măng, tât ta Hêbron dôl dăch luh nar.

I Phung Hađăch 10:8

Phung ur hađăch geh nau ueh lăng ngăn! Phung kơl kan hađăch, phung gŭ panăp may ƀaƀơ jêh ri tăng nau blau mĭn may, geh nau ueh lăng ngăn!

I Phung Hađăch 11:28

Nôk nây, Y-Jêrôbôam jêng du huê ngăch prăl jêh ri geh nau dơi. Y-Salômôn saơ păng hôm ndăm jêh ri geh blau rĭ dĭng dơm păng jêng kôranh ma lĕ rngôch nau pah kan jâk ngih Yôsep.

I Nau Rêh Jêng 4:23

Phung nây jêng phung blau mon glah gŭ ta ƀon Nêtaim jêh ri ƀon Gêdêra; khân păng gŭ ta nây gay pah kan ma hađăch.

Nau Hôr 10:4

Mpang ti ƀlao ƀư ăn nau o ach, Bi mpang ti gơih păng mra ƀư ndrŏng.

Nau Hôr 12:24

Ti bunuyh gơih mra djôt nau dơi chiă uănh, Bi ti bunuyh ƀlao mra pah kan jan dĭk.

Nau Hôr 23:1

Lah may gŭ sông sa ndrel du huê kôranh chiă uănh, Njrăng hom ma bunuyh gŭ tanăp măt may;

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Daniel 1:19

Hađăch ngơi ndrel đah khân păng jêh ri saơ tâm lĕ rngôch phung khân păng mâu saơ du huê ôh tâm ban ma Y-Daniel, Y-Hanania, Y-Misaêl, jêh ri Y-Asaria. Yor nây, khân păng gŭ pah kan tanăp hađăch.

Daniel 1:4

Lĕ phung bu klâu ndăm aơ jêng phung mâu geh ntŭk kuet ôh, muh măt ueh, geh âk nau njêh, blau mĭn tâm lĕ rngôch, geh nau gĭt mĭn huy jêh ri gĭt rbăng, geh nau blau ngăn pah kan tâm ngih hađăch. Y-Aspênas sâm nti ma khân păng nau ngơi ueh jêh ri nau ngơi phung Kaldê.

Mathay 25:21

Kôranh lah ma bunuyh nây: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Mathay 25:23

Kôranh lah ma bunuyh nây pô aơ: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Samƀŭt Pôl Njuăl Ăn Ma Phung Nsing Ta Ƀon Rôm 12:11

Duh nđơr hom, lơi ƀlao ôh; ăn geh n'hâm suan mĭn gơih nđơr; pah kan hom ma Kôranh Brah.

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

I Samuel 16:21

Y-Đavit hŏ tât ma Y-Sôl jêh ri lăp pah kan ma păng. Y-Sôl rŏng ngăn ma Y-Đavit jêh ri păng jêng nơm tuy ndơ tâm lơh ma Y-Sôl.

I Samuel 17:31

Geh bu tăng lĕ nau Y-Đavit ngơi, bu nkoch tay nau nây ma Y-Sôl. Hađăch prơh bunuyh hăn kuăl Y-Đavit tât.