Nau Hôr 22:11 - Nau Brah Ndu Ngơi 2023

¹¹ Mbu nơm rŏng ma nuih n'hâm kloh rsang jêh ri bâr mbung blau yô̆, Mra dơi jan jiăng ma hađăch.

Nau Hôr 22:11 ပူးပေါင်းရင်းမြစ်များ

I Phung Hađăch 4:5

Y-Asaria, kon bu klâu Y-Nathan, jêng kôranh phung kôranh tahan; Y-Sabut, kon bu klâu Y-Nathan, jêng kôranh ƀư brah jêh ri nơm nchră hađăch;

Êsther 10:3

Y-Môrdêkai, phung Yuđa, ƀư kôranh toyh mrô nguay tâm dâng hađăch Asuêrus, jêh ri păng jêng toyh ta nklang phung Yuđa, jêh ri phung âk tâm phung oh nâu păng rŏng ma păng, yorlah păng joi nau ueh ma phung ƀon lan păng jêh ri ngơi nau đăp mpăn ma lĕ rngôch phung ƀon lan păng.

Nau Mprơ Ơm 101:6

Măt gâp mra joi phung răp jăp tâm n'gor, Jêh ri ăn khân păng gŭ ndrel ma gâp; Mbu nơm hăn tĭng trong nŭm rĭng Mra pah kan gâp.

Nau Mprơ Ơm 24:4

Nây jêng bunuyh geh ti kloh ueh jêh ri nuih n'hâm kloh, Mâu jao huêng păng ma rup brah dơm dam, Mâu lĕ ton săk ma nau mƀruh.

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Nau Hôr 14:35

Hađăch prăp nau yô̆ ăn ma oh mon gŭ ngao blau mĭn, Ƀiălah păng mra ji nuih ma nơm ƀư nau bêk prêng.

Nau Hôr 16:13

Bâr mbung nau ƀon bri hađăch ƀư ăn hađăch di nuih n'hâm, Hađăch ŭch nau ngơi bơh bunuyh sŏng.

Nau Hôr 22:12

Măt Brah Yêhôva mât mray bunuyh geh nau blau mĭn, Ƀiălah Păng ăn roh lơi nau phung ƀai.

Nơm Nti 10:12

Bâr mbung bunuyh blau mĭn ngơi luh nau bu yô̆, Ƀiălah nơm rluk ƀư rai păng nơm.

Daniel 3:30

Hađăch n'hao kan ma Y-Sadrak, Y-Mêsăk jêh ri Y-Abetnêgô tâm n'gor bri Babilôn.

Mathay 5:8

Ueh maak ngăn ma phung geh nuih n'hâm kloh ueh, Yorlah mra saơ Brah Ndu!

Luka 4:22

Lĕ rngôch mbơh nkoch ueh ma Păng da dê, jêh ri hih rhâl ma lĕ nau ngơi bêng nau yô̆ luh bơh bâr mbung Păng. Khân păng ôp: “Mâu di hĕ bunuyh aơ jêng kon Y-Yôsep?”