Nau Hôr 21:5 - Nau Brah Ndu Ngơi 2023

⁵ Lĕ nau mĭn bunuyh gơih nanê̆ njŭn tât ma nau rmeh ler, Bi ma lĕ rngôch nơm ndal ir knŏng nchuăt tât ma nau pưt kƀah.

Nau Hôr 21:5 ပူးပေါင်းရင်းမြစ်များ

Nau Hôr 10:4

Mpang ti ƀlao ƀư ăn nau o ach, Bi mpang ti gơih păng mra ƀư ndrŏng.

Nau Hôr 13:4

Nuih n'hâm bunuyh ƀlao geh nau kơnh ƀiălah mâu geh ôh ndơ, Bi ma huêng phung bunuyh gơih mra dơi geh ăp ntil ndơ.

Nau Hôr 14:29

Bunuyh băt duh nuih bêng ma nau gĭt rbăng, Ƀiălah bunuyh vay gơnh duh nuih lơ hô n'hao nau brŭt moih.

Nau Hôr 19:2

Nuih n'hâm pưt nau gĭt rbăng mâu lĕ dơi jêng du ntil nau ueh, Mbu nơm hăn ndal mra geh nau chêh prah.

Nau Hôr 20:21

Drăp ndơ dơi geh ngăch ndal nôk ntơm dak bôk Mâu mra dơi geh nau ueh uĭn ôh ta nglĕ dŭt.

Nau Hôr 28:22

Bunuyh geh măt ndơm kơnh ndal ir nchuăt tĭng drăp ndơ, Mâu gĭt ôh nau pưt mâu tŏng mra tât kêng păng.

Nau Hôr 29:20

May saơ lĕ nơm ngơi ndal ir tâm nau ngơi păng? Du huê nơm rluk hôm e geh nau kâp gân lơn ma păng.

Êphêsô 4:28

Nơm vay ntŭng, lơi hôm ntŭng ôh; ƀiălah ueh lơn srôih, sŏk ti păng nơm ƀư nau sŏng srăng, gay sâm kơl ma bunuyh pưt kƀah.