Nau Hôr 21:4 - Nau Brah Ndu Ngơi 2023

⁴ Măt n'hao êng nơm, nuih n'hâm sưr rlau, Jêh ri ŭnh kađen phung mhĭk jêng nau tih da dê.

Nau Hôr 21:4 ပူးပေါင်းရင်းမြစ်များ

Ndrom Samƀŭt bơh Yôp 18:5

N'hêl nanê̆ nau ang phung ƀai mra nhhât, Chiông ŭnh păng mâu hôm nchrat ang ôh.

Ndrom Samƀŭt bơh Yôp 18:6

Nau ang tâm vâl bok păng mra ngo, Ŭnh kađen klơ bôk păng mra nhhât ro.

Nau Mprơ Ơm 10:4

Phung mhĭk ngơi nau sưr, mâu tĭng joi Kôranh Brah; Păng mĭn pô aơ mâu geh Brah Ndu ôh.

Nau Mprơ Ơm 101:5

Nơm ndâp mpôn ngơi djơh ma phung chiau meng păng, Gâp mra mƀăr lơi. Bi ma phung geh măt n'hao êng nơm jêh ri nuih n'hâm sưr, Gâp mâu mra yô̆ ôh.

Nau Mprơ Ơm 131:1

Ơ Brah Yêhôva, gâp mâu geh nuih n'hâm sưr ôh, Măt gâp mâu n'hao êng nơm; Gâp mâu lĕ gâp mĭn ma ndơ toyh ir, Mâu lah lĕ nau kan rlau keh ir đah gâp.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Nau Hôr 24:20

Yorlah phung ƀư ƀai mâu ôh geh nar kăndơ̆, Jêh ri ŭnh kađen phung janh ƀai mra nhhât.

Nau Hôr 30:13

Geh phung bunuyh geh măt nau sưr, Jêh ri n'gô măt n'hao êng mâm ƀư!

Nau Hôr 6:16

Geh prao ntil Yêhôva ji nuih Jêh ri pơh ntil păng tâm rmot:

Nau Hôr 6:17

Măt sưr rlau, mpiăt nchơt, Ti ƀư pling mham bunuyh mâu geh nau tih,

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Êsai 3:16

Brah Yêhôva lah: “Yorlah phung kon bu ur ƀon Siôn jêng sưr, Ƀă hăn ƀă n'gơr trô ko klơ, Măt uănh ma nau kơnh, Ƀă hăn ƀư ê he, Ƀă ăn nteh kông jâng khân păng,

Luka 11:34

Măt may jêng kađen ma săk jăn. Tơlah măt may ueh, lĕ săk jăn may ang đŏng, ƀiălah tơlah măt lĕ djơh jêh, lĕ săk jăn may gŭ tâm nau ngo đŏng.

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Samƀŭt Pôl Njuăl Ăn Ma Phung Nsing Ta Ƀon Rôm 14:23

Ƀiălah mbu nơm hôm đing, ƀiălah ăt sa, păng geh nau tâm rmal jêh, yorlah păng mâu ƀư tĭng nâm nau chroh. Lĕ rngôch nau kan mâu luh bơh nau chroh jêng nau tih.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.