Nau Hôr 21:20 - Nau Brah Ndu Ngơi 2023

²⁰ Drăp ndơ khlay jêh ri dak ngi hôm e tâm ngih bunuyh blau mĭn, Ƀiălah bunuyh rluk sa lơi lĕ rngôch.

Nau Hôr 21:20 ပူးပေါင်းရင်းမြစ်များ

Ndrom Samƀŭt bơh Yôp 20:15

Păng rvăn drăp ndơ jêh nây mra luh hok, Brah Ndu mra ngluh drăp ndơ nây luh tă ndŭl păng.

Ndrom Samƀŭt bơh Yôp 20:18

Păng mra nsĭt tay, nau play bơh kan păng ƀư Mâu dơi rvăn ôh; Sa kao geh tă bơh tăch rgâl, Mâu đŏng păng dơi dơn.

Nau Mprơ Ơm 112:3

Drăp ndơ jêh ri nau ndrŏng gŭ tâm ngih păng, Jêh ri nau sŏng srăng păng hôm gŭ ƀaƀơ.

Nau Mprơ Ơm 23:5

Kôranh Brah nkra sưng sông sa ma gâp Tanăp phung rlăng gâp; Kôranh Brah tŏ dak ƀâu kah ta bôk gâp, Kachok gâp bêng ler.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Nau Hôr 14:24

Đon hađăch ma phung blau mĭn jêng nau ndrŏng kuăng, Bi ma rvang kao phung rluk mâl jêng nau brŭt moih.

Nau Hôr 15:6

Ngih bunuyh sŏng srăng geh âk drăp ndơ khlay, Ƀiălah ndơ bunuyh ƀai knŏng djôt leo nau rŭng răng tât ma khân păng.

Nau Hôr 22:4

Nau nkhôm ăn nau dêh rhêt jêh ri klach yơk ma Brah Yêhôva Jêng nau ndrŏng, nau bu yơk jêh ri nau rêh.

Nau Hôr 8:21

Gay ăn drăp ndơ ma phung rŏng ma gâp, Jêh ri ƀư bêng lĕ jay drăp khlay khân păng.

Nơm Nti 10:19

Nkra nhêt sa gay rvăt nau maak, Ndrănh ƀư ăn nau rêh răm maak, Jêh ri prăk rêl dơi tŏng nau ŭch.

Nơm Nti 5:19

Tâm ban pônây, lĕ rngôch mbu nơm dơi geh Brah Ndu ăn nau ndrŏng, drăp ndơ, tâm ban ăn nau dơi dŏng drăp ndơ nây mra sŏk dơn kô̆ păng, jêh ri maak dơn kan hŏt păng ƀư jêh. Nây jêng ndơ Brah Ndu ăn.

Nơm Nti 7:11

Nau blau mĭn di khlay nâm bu dơn drăp ndơn, Jêh ri djôt tay nau khlay ăn ma phung bunuyh saơ nar.

Yêrêmi 41:8

Ƀiălah geh jât nuyh tâm phung khân păng lah ma Y-Ismaêl: “Lơi ta nkhĭt hên ôh, yorlah hên geh jay prăp nkrem ndơ sông sa geh ba ôrgơ, ba bri, dak ngi play ôlive, jêh ri dak sŭt lĕ pôn jêh tâm mir.” Yor ri, Y-Ismaêl mâu hôm nkhĭt ôh khân păng ndrel ma lĕ rngôch oh nâu khân păng.

Mathay 25:8

Phung rluk lah ma phung blau mĭn pô aơ: ‘Dăn khân ay tâm pă ma hên ƀă dak ngi ôlive, yorlah ŭnh kađen hên dăch nhhât.’

Luka 15:14

Nôk hŏ ƀư rai lĕ drăp ndơ jêh, tâm n'gor geh nau ji ngot toyh jêh ri păng ntơm tŭp tâm nau ndĭt trơi.

Luka 16:1

Brah Yêsu lah tay ma phung oh mon: “Du huê bunuyh ndrŏng geh du huê bunuyh mât uănh ngih jêh ri bu phong nơm nây ƀư mpŭng jêh drăp ndơ kôranh păng.

Luka 6:45

Bunuyh ueh yor nuih n'hâm prăp nau ueh ngluh nau ueh; bunuyh mhĭk yor nuih n'hâm prăp nau mhĭk ngluh nau mhĭk; yorlah bêng tâm nuih n'hâm rĭ dĭng mbung ngơi luh.