Nau Hôr 21:2 - Nau Brah Ndu Ngơi 2023

² Lĕ rngôch trong bơh kon bunuyh sŏng da dê tĭng măt păng nơm, Ƀiălah Brah Yêhôva mêt uănh nuih n'hâm.

Nau Hôr 21:2 ပူးပေါင်းရင်းမြစ်များ

Ndrom Samƀŭt bơh Yôp 31:6

Dăn Brah Ndu yơk njing gâp ta klơ du mlâm njing di, Pôri Păng mra saơ nau sŏng gâp.

Nau Mprơ Ơm 36:2

Yorlah păng n'gơr n'hao êng păng nơm pô aơ, Nau tih păng mâu mra mpơl jêh ri mâu geh bunuyh tâm rmot ma păng ôh.

Nau Hôr 12:15

Trong bơh phung rluk jêng sŏng tĭng măt păng nơm, Ƀiălah bunuyh blau mĭn kâp iăt nau ntĭm nti.

Nau Hôr 16:2

Lĕ rngôch trong kon bunuyh jêng kloh rsang da dê tĭng măt păng nơm, Ƀiălah Brah Yêhôva mêt uănh tâm nuih n'hâm.

Nau Hôr 16:25

Geh du trong ntôn lah nâm bu di ăn ma kon bunuyh, Ƀiălah nglĕ dŭt păng jêng trong nau khĭt.

Nau Hôr 17:3

Glah gay krĕt prăk, năk gay krĕt mah, Ƀiălah Brah Yêhôva rlong uănh nuih n'hâm kon bunuyh.

Nau Hôr 20:6

Âk bunuyh ngơi sưr pô aơ lah păng nơm jêng răp jăp, Ƀiălah mbu nơm dơi joi du huê bunuyh răp jăp?

Nau Hôr 24:12

Tơlah may lah: “Ri, hên mâu gĭt ôh nau aơ,” Pôri Nơm njing nuih n'hâm may mâu di hĕ sek uănh lĕ nau nây? Jêh ri Nơm mât mray huêng may mâm dĭng mâu gĭt? Păng mra mplơ̆ ma ăp nơm tĭng nâm moh kan khân păng ƀư?

Nau Hôr 30:12

Geh phung bunuyh mĭn păng nơm kloh rsang, Ƀiălah mâu hŏ rao kloh nau ƀơ̆ ƀơch păng.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Daniel 5:27

Têkel jêng: Hađăch bu hŏ dơm jêh ta klơ njing jêh ri saơ djê̆ mâu tŏng.

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Galati 6:3

Yorlah tơlah du huê bunuyh mĭn păng nơm geh nau khlay, tâm nôk păng nơm mâu geh nau khlay, pôri, păng ndơm păng nơm yơh.

Yakơ 1:22

Ƀư hom tĭng nâm nau ngơi, lơi knŏng iăt jêng tŏng gay ndơm mƀruh khân may nơm.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”