Nau Hôr 21:13 - Nau Brah Ndu Ngơi 2023

¹³ Phung nsêt tôr mâu ŭch iăt ôh nau kuăl nter bơh bunuyh o ach, Dôl phung nây kuăl nter ăt mâu geh lĕ nơm plơ̆ sĭt lah.

Nau Hôr 21:13 ပူးပေါင်းရင်းမြစ်များ

Nêhêmi 5:13

Gâp ăt rtuh ntôr ao jâr gâp jêh ri lah: “Mbu mâu ƀư tĭng nau ton aơ, dăn ma Brah Ndu rtuh hom lĕ ngih jêh ri drăp ndơ păng. Pônây bu mra rtuh lơi păng jêh ri nsoih tâm ti păng tâm ban pônây!” Lĕ rngôch phung tâm rƀŭn lah: “Amen” jêh ri khân păng tâm rnê ma Brah Yêhôva. Pôri phung ƀon lan ƀư tĭng nâm nau ton nây da dê.

Ndrom Samƀŭt bơh Yôp 29:12

Yorlah gâp kơl rklaih phung o ach dôl gŭ nter, Jêh ri phung kon đơi mâu geh nơm sâm kơl.

Nau Mprơ Ơm 18:41

Khân păng nter ƀiălah mâu geh bunuyh kơl rklaih, Nter dăn ma Brah Yêhôva ƀiălah Păng mâu plơ̆ sĭt lah ôh.

Nau Mprơ Ơm 58:4

Khân păng geh dak kăch tâm ban ma dak kăch bêh; Khân păng jêng tâm ban ma bêh ku ƀư tê̆k nsêt lơi tôr.

Nau Hôr 1:28

Rnôk nây khân păng mra kuăl gâp, ƀiălah gâp mâu plơ̆ lah ôh; Ơm ôi khân păng mra joi gâp, ƀiălah mâu ôh dơi mâp gâp.

Nau Hôr 28:27

Mbu nơm ăn ma bunuyh o ach mâu mra pưt ôh, Bi ma nơm nhêp măt mâu gĭt yô̆ bu mra geh âk nau rak rtăp.

Mathay 6:14

Tơlah khân may yô̆ an nau tih ma bu, Mbơ̆ khân may klơ trôk mra yô̆ an khân may tâm ban đŏng.

Mathay 7:2

Yorlah khân may phat dôih bu pô ri bu mra phat dôih khân may tâm ban lĕ, khân may veh ma ndah âk pô ri khân păng ăt mra veh ma khân may lĕ.

Luka 13:25

Tơlah kôranh ngih dâk jêh ri nchăng mpông jêh, khân may gŭ padih, goh mpông jêh ri kuăl pô aơ: ‘Ơ kôranh, dăn pơk mpông ma hên!’ Păng mra plơ̆ lah: ‘Gâp mâu gĭt khân may ntŭk tă.’

Kôranh Oh Mon 7:57

Nôk nây, khân păng nter hâu ngăn, nsêt tôr jêh ri lĕ rngôch nchuăt rduh lăp nhŭp Y-Êtiên

I Yôhan 3:17

Tơlah mbu nơm geh drăp ndơ tâm rnôk aơ, saơ oh nâu păng nơm gŭ tâm nau pưt kƀah ƀiălah mâu geh nuih n'hâm rŏng, mâm ƀư nau Brah Ndu rŏng dơi gŭ tâm bunuyh nây?