Nau Hôr 21:1 - Nau Brah Ndu Ngơi 2023

¹ Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Nau Hôr 21:1 ပူးပေါင်းရင်းမြစ်များ

II Phung Hađăch 19:33

Păng mra plơ̆ sĭt ta trong păng văch tât, mâu dơi lăp tâm ƀon aơ ôh.’ Brah Yêhôva lah pônây.

Êsra 1:1

Năm rơh nguay rnôk rô̆ Y-Sirus, hađăch Persi, Brah Yêhôva ŭch ƀư tât di nau ngăn Păng hŏ ngơi jêh ma bâr mbung Y-Yêrêmi, yor ri Brah Yêhôva hŏ nsŭk nsôr nuih n'hâm Y-Sirus, hađăch Persi, ăn nau ntrŭnh jêh ri mbơh tâm lam bri dak păng pô aơ:

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Êsra 6:22

Khân păng djôt prăp nau rƀŭn Piăng Let Mâu Geh Ndrui tâm pơh nar ma nau răm maak, yorlah Brah Yêhôva hŏ ƀư ăn nuih n'hâm khân păng hâk răm nôk rgâl nuih n'hâm hađăch Asiri, ƀư ăn hađăch kơl ma khân păng tâm nau ndâk ngih brah Brah Ndu, jêng Brah Ndu phung Israel.

Nêhêmi 1:11

Hơi Kôranh Brah! Dăn ma May iăt nau gâp mbơh sơm jêng oh mon May jêh ri phung oh mon êng êng, jêng phung maak nuih n'hâm klach yơk ma amoh May. Nar aơ, dăn ma Kôranh Brah ăn ma gâp jêng oh mon Kôranh Brah dơi geh nau ƀŭn lap jêh ri geh nau yô̆ nđach tanăp bunuyh aơ.” Rnôk nây gâp ƀư nau pah kan nhhơr ndrănh ma hađăch.

Nêhêmi 2:4

Hađăch ôp ma gâp: “Moh nau may ŭch dăn?” Gâp mbơh sơm ma Brah Ndu tâm lĕ ndâr trôk,

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Êsther 2:17

Hađăch rŏng kơnh ma H'Êsther âk lơn ma lĕ rngôch phung bu ur druh êng jêh ri păng geh nau yô̆ tanăp măt hađăch rlau lơn ma lĕ rngôch phung bu ur êng. Pôri hađăch ndô đon hađăch ta klơ bôk păng, njêng păng jêng hađăch bu ur ntrok ma H'Vasti.

Nau Mprơ Ơm 105:25

Păng ƀư ma phung Êjipt plơ̆ tâm rmot ma phung ƀon lan Păng, Tâm nchră ƀư mhĭk ma phung oh mon Păng.

Nau Mprơ Ơm 106:46

Păng ăt ƀư ma bu geh nau yô̆ Tanăp phung nhŭp khân păng ƀư dĭk.

Nau Mprơ Ơm 114:3

Dak Mƀŭt saơ nau nây jêh ri nchuăt du; Dak krong Yurdan hoch rlơ̆;

Nau Mprơ Ơm 114:5

Ơ dak rlai, mâm ƀư may nchuăt du? Ơ dak krong Yurdan, mâm ƀư may hoch rlơ̆?

Nau Mprơ Ơm 74:15

May ăn n'hor dak jêh ri tu dak luh dak, Jêh ri ƀư ma lĕ dak krong toyh mra suăt sơh.

Nau Mprơ Ơm 93:4

Brah Yêhôva gŭ prêh klơ, bêng ma nau brah, Ktang lơn nteh ngrông huy lĕ dak n'hor toyh, Rlau lơn ma dak mƀŭt rbuh toyh.

Nau Ngluh Êjipt 7:3

Ƀiălah Gâp mra ƀư dăng nuih n'hâm Pharaôn, jêh ri nđâp lah Gâp ăn lơ n'hao âk nau mbên khlay tâm n'gor Êjipt

Nau Hôr 16:1

Lĕ rngôch nau nchră tâm nuih n'hâm jêng nau kan kon bunuyh, Ƀiălah nau plơ̆ lah văch bơh Brah Yêhôva.

Nau Hôr 16:9

Kon bunuyh ŭch mĭn trong păng, Ƀiălah Brah Yêhôva ntĭm leo lĕ nhuat păng.

Nau Hôr 20:24

Lĕ rngôch nhuat hăn kon bunuyh bơh Brah Yêhôva yơh tâm nal, Mâm ƀư kon bunuyh dơi gĭt rbăng trong păng nơm?

Êsai 43:19

Aơ, Gâp dăch ƀư du nau mhe! Aƀaơ aơ păng luh mpơl; ƀiălah khân păng mâu gĭt rbăng hĕ? Gâp mra ƀư du ntŭk trong tâm bri rdah, Jêh ri ƀư ăn lĕ n'hong dak krong hoch tâm ntŭk neh sơh.

Êsai 44:27

Brah Ndu lah ma ntu dak jru pô aơ: ‘Suăt hom may, Gâp mra ƀư suăt lơi lĕ dak krong may.’

Yêrêmi 39:12

“Njŭn păng sĭt, mât mray ăn ueh. Lơi ta ƀư mhĭk ma păng ôh ƀiălah ƀư tĭng nau păng nơm ŭch.”

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Kôranh Oh Mon 7:10

Brah Ndu rklaih păng bơh lĕ rngôch nau mhĭk, ăn nau yô̆, jêh ri nau blau mĭn ma păng tanăp Pharaôn, hađăch n'gor Êjipt; hađăch sâm dơm păng jêng kôranh chiă uănh n'gor Êjipt jêh ri lĕ phung ta ngih hađăch.

Nau Tâm Mpơl 16:12

Tông mpăr rơh prao nkhŭt ngan păng nơm tâm dak krong Ơphrat, dak krong suăt, gay ma nkra trong ma phung hađăch mpeh luh nar.

Nau Tâm Mpơl 16:4

Tông mpăr rơh pe nkhŭt ngan păng nơm tâm dak krong jêh ri tâm lĕ tu dak, jêh ri khân păng jêng mham.