Nau Hôr 20:6 - Nau Brah Ndu Ngơi 2023

⁶ Âk bunuyh ngơi sưr pô aơ lah păng nơm jêng răp jăp, Ƀiălah mbu nơm dơi joi du huê bunuyh răp jăp?

Nau Hôr 20:6 ပူးပေါင်းရင်းမြစ်များ

Nau Mprơ Ơm 12:1

Hơi Brah Yêhôva! Dăn rklaih hên yorlah bunuyh klach yơk mâu hôm geh đŏng ôh, Bunuyh răp jăp hŏ du roh jêh ta bơh phung kon bunuyh.

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Hôr 20:5

Nau nchră tâm nuih n'hâm kon bunuyh nâm bu ntu dak jru, Bunuyh gĭt rbăng mra bâk sŏk ta nây.

Nau Hôr 25:14

Mbu nơm ntưih săk mƀruh nchơt ma ndơ păng nơm nhhơr Nâm bu geh tŭk, geh sial, mâu geh mih.

Nau Hôr 27:2

Ăn bu êng rnê ma may, Trôm mbung may lơi ƀư ôh nâm bu pônây; Ăn bunuyh padih rnê may, Mbung may lơi ôh rnê êng may nơm.

Nơm Nti 7:28

Nây jêng nau gâp hôm e joi mâu saơ nau rblang: ‘Tâm du rbăn nuyh bu klâu, Gâp hŏ dơi joi du huê bunuyh; Bi tâm lĕ rngôch bu ur, Gâp mâu dơi joi du huê nơm lĕ.’

Yêrêmi 5:1

“Hăn hom lam lĕ rŏ trong ƀon Yêrusalem, Ntreng uănh jêh ri nchih dơn! Tĭng joi hom lĕ ntŭk nhuang ƀon, Tơlah may dơi joi du huê bunuyh Ƀư nau sŏng srăng, joi ma nau nanê̆ ngăn, Pôri Gâp mra yô̆ an ma lĕ ƀon.

Mika 7:1

Rêh ni ma gâp! Yorlah gâp jêng nâm bunuyh pĕ play yan ta vai, Jêh ri nâm bunuyh mban play krăk ƀâu tâm yan pĕ play krăk ƀâu hŏ lĕ jêh, Ƀiălah mâu geh ôh du rkŭm play krăk ƀâu gay sa; Play rvi bôk yan Ƀiălah huêng gâp ŭch hâu ngăn kŏ mâu geh lĕ.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Mathay 6:2

Pôri, tơlah may ƀư kan nau ăn ndơ yô̆, lơi uh nŭng tra năp may ôh nâm bu phung bunuyh nuih n'hâm nklă ƀư tâm ngih rƀŭn jêh ri rŏ trong sâng gay ma bu rnê. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Luka 18:11

Bunuyh Pharisi nây dâk jêh ri mbơh sơm ma păng nơm pô aơ: ‘Ơ Brah Ndu gâp lah ueh ma May, yorlah gâp mâu di tâm ban ma lĕ phung êng ôh: kơnh rlau ir, kue, văng tĭr, mâu đŏng tâm ban ma bunuyh riu pi aơ.

Luka 18:28

Pêtrôs ơh: “Aơ, hên chalơi lĕ rngôch ndơ hên geh gay tĭng May.”

Luka 18:8

Gâp lah ma khân may, Păng mra gơnh ro phat dôih sŏng ma khân păng. Ƀiălah tơlah Kon Bunuyh văch, Păng hôm saơ nau chroh ta klơ neh ƀơh?”

Luka 22:33

Y-Pêtrôs ơh: “Ơ Kôranh Brah, gâp ndrăp jêh gŭ tâm ndrung mâu lah khĭt ndrel ma May.”

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

II Kôrintô 12:11

Gâp jêng bunuyh brŭt moih! Khân may nchâp gâp kơt nĕ. Di lah ăn khân may tâm rnê ma gâp; yorlah gâp jêng dơm dam, gâp mâu đŏng jê̆ lơn ma phung kôranh oh mon dŭt toyh ri.