Nau Hôr 20:3 - Nau Brah Ndu Ngơi 2023

³ Bunuyh der bơh nau tâm djrel khư ma nau yơk; Knŏng phung rluk mâl mơ rduh lăp ta nây.

Nau Hôr 20:3 ပူးပေါင်းရင်းမြစ်များ

Nau Ntơm 13:7

Lơ hô đŏng, phung chiăp biăp Y-Abram jêh ri Y-Lot tâm djrel ndrăng nơm. Rnôk nây phung Kanaan jêh ri phung Pêrisit hôm gŭ tâm n'gor nây.

Nau Ntơm 13:8

Pôri, Y-Abram lah ma Y-Lot: “He jêng noi deh du mham, gâp jêh ri đah may, phung chiăp biăp gâp jêh ri phung chiăp biăp may, lơi hôm tâm djrel ndrăng nơm ôh.

II Phung Hađăch 14:9

Y-Jôas, hađăch Israel, prơh bunuyh hăn plơ̆ lah ma Y-Amasia, hađăch Yuđa: “Tơm lok ta bri Liban njuăl bunuyh lah ma tơm si sêdar ta bri Liban pô aơ: ‘Ăn hom kon bu ur may ƀư ur ma kon bu klâu gâp.’ Ƀiălah geh mpô mpa bri ta Liban hăn rgăn, jot nchah lok nây.

Nau Hôr 14:17

Mbu nơm gơnh ji nuih ƀư nau rluk, Bi bunuyh nchră ƀư nau mhĭk bu mra tâm rmot.

Nau Hôr 14:29

Bunuyh băt duh nuih bêng ma nau gĭt rbăng, Ƀiălah bunuyh vay gơnh duh nuih lơ hô n'hao nau brŭt moih.

Nau Hôr 16:32

Bunuyh băt ji nuih dơi lơn ma tahan janh, Jêh ri mbu nơm chiă uănh nuih n'hâm păng dơi lơn ma nơm pit sŏk ƀon.

Nau Hôr 17:14

Ntơm bôk nau tâm djrel nâm bu pling ntât dak; Pôri rlu hom nau tâm rlăch êlor păng geh nau tâm djrel.

Nau Hôr 18:6

Mbung bunuyh rluk joi ma nau tâm djrel, Mbung păng ngơi nsônh nau tâm lơh.

Nau Hôr 19:11

Nau blau mĭn bơh du huê bunuyh ƀư ăn păng băt ji nuih, Jêh ri yor nau khưm păng mâu ndăng ôh nau tih bu.

Nau Hôr 21:24

“Mưch” jêng ntơ phung n'hao êng nơm, nau sưr, Păng gŭ ngao ma nau mƀruh tĭng nau mơng sưr rlau păng.

Nau Hôr 26:17

Nơm ji nuih ma nau tâm djrel mâu tât ôh ma păng Tâm ban ma bunuyh kuăn tôr so nchuăt nsong.

Êphêsô 4:32

Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Yakơ 3:14

Ƀiălah tơlah khân may geh nau tâm rmot ma nau rngot ngăn ngên jêh ri tâm djrel tâm nuih n'hâm, lơi ta rnê êng nơm mâu lah sŏk nau ngơi mƀruh tâm rdâng đah nau ngăn.

Yakơ 4:1

Mbah tă luh lĕ nau tâm lơh, nau tâm djrel tâm phung khân may? Mâu di hĕ păng luh tă bơh nau nglay săk ŭch dôl tâm lơh tâm kô̆ săk jăn khân may?