Nau Hôr 20:25 - Nau Brah Ndu Ngơi 2023

²⁵ Ngơi ma nau ndal ir pô aơ: “Ndơ aơ jêng ndơ kloh!” Jêh ri lah hŏ ton jêh ri mơ mĭn rvê tay đŏng, Nây jêng du mlâm dăk sân njrăng ăn ma kon bunuyh.

Nau Hôr 20:25 ပူးပေါင်းရင်းမြစ်များ

Nau Hôr 18:13

Plơ̆ lah ro êlor ma iăt, Nây jêng nau rluk jêh ri nau prêng ma mbu nơm ƀư pônây.

Nau Hôr 18:7

Mbung bunuyh rluk ƀư roh săk păng nơm, Bâr păng jêng dăk sân ma huêng păng nơm.

Nơm Nti 5:2

May lơi ngăch ir hă mbung, Mâu lĕ ndal ir ngơi moh nau tanăp Brah Ndu, Yorlah Brah Ndu gŭ klơ trôk, Bi may gŭ tâm dâng neh. Pônây, djê̆ ngơi hom.

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Mathay 5:33

Khân may hŏ tăng jêh nau nti ma phung ơm pô aơ: ‘Lơi rlăm ôh nau ton, ăn may djôt prăp nau ton nŭm rĭng đah Kôranh Brah.’

Nau Vay Nkah Tay 23:22

Ƀiălah tơlah khân may mâu ƀư nau ton, khân may mâu geh khan nau tih ôh.

Nau Vay Nkah Tay 23:23

Moh nau khân may ton jêh ma bâr mbung khân may, ăn khân may mât mray jêh ri ƀư ro, yorlah tă bâr mbung khân may nơm hŏ sơm ton jêh ma Yêhôva Brah Ndu.

Nau Vay Nkah Tay 23:24

Lah khân may lăp tâm đang krăk ƀâu nơm chiau meng khân may, pôri khân may dơi sa krăk ƀâu tĭng nâm ŭch, ƀiălah khân may mâu dơi ôh pĕ play ăn tâm bĭ khân may.

Phung Kôranh Phat Dôih 21:22

Tơlah mbơ̆ mâu lah nâu khân păng văch tât lah ma he, he mra plơ̆ lah: ‘Yor ma hên dăn khân may yô̆ an ma khân păng, yorlah nôk tâm lơh, hên mâu nhŭp ôh phung bu ur bu nă ƀư ur ma hên. Rlau lơn ma nĕ, mâu di ôh khân may ŭch ăn kon bu ur ma khân păng, yorlah tơlah ƀư pônây, n'hêl nanê̆ khân may mra jêng tih.’”