Nau Hôr 20:24 - Nau Brah Ndu Ngơi 2023

²⁴ Lĕ rngôch nhuat hăn kon bunuyh bơh Brah Yêhôva yơh tâm nal, Mâm ƀư kon bunuyh dơi gĭt rbăng trong păng nơm?

Nau Hôr 20:24 ပူးပေါင်းရင်းမြစ်များ

Nau Mprơ Ơm 25:12

Mbu nơm klach yơk ma Brah Yêhôva? Păng mra ntĭm nti nơm nây tâm trong păng mra săch.

Nau Mprơ Ơm 25:4

Ơ Brah Yêhôva, ăn gâp gĭt lĕ trong May Jêh ri ntĭm nti an gâp lĕ trong May.

Nau Mprơ Ơm 37:23

Lĕ nhuat bunuyh mpeh Brah Yêhôva dơi nâp jêng, Păng rŏng trong bunuyh nây.

Nau Hôr 14:8

Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Nau Hôr 16:1

Lĕ rngôch nau nchră tâm nuih n'hâm jêng nau kan kon bunuyh, Ƀiălah nau plơ̆ lah văch bơh Brah Yêhôva.

Nau Hôr 16:9

Kon bunuyh ŭch mĭn trong păng, Ƀiălah Brah Yêhôva ntĭm leo lĕ nhuat păng.

Yêrêmi 10:23

Mbah Brah Yêhôva, gâp gĭt trong kon bunuyh hăn khăn păng nơm mâu ƀư kôranh, Khân păng mâu dơi gai lĕ nhuat jâng păng.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Kôranh Oh Mon 17:28

Yorlah gŭ tâm Păng yơh, he geh nau rêh, nau blau mpât jêh ri nau jêng bunuyh, tâm ban ƀaƀă bunuyh blau mprĭng khân may lah pô aơ: ‘He luh tă bơh ndŭl mpôl Păng yơh.’