Nau Hôr 20:22 - Nau Brah Ndu Ngơi 2023

²² Lơi lah ôh: “Gâp mra har plơng!” Gŭ kâp hom Brah Yêhôva, Păng mra rklaih may.

Nau Hôr 20:22 ပူးပေါင်းရင်းမြစ်များ

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 37:34

Kâp gân hom ma Brah Yêhôva djôt prăp tĭng trong Păng Pôri Păng mra n'hao may gay dơn neh. Jêh ri may mra saơ phung mhĭk rai lôch.

Nau Mprơ Ơm 37:40

Brah Yêhôva koh dŏng jêh ri tâm rklaih khân păng; Păng rklaih khân păng bơh phung mhĭk jêh ri tâm rklaih khân păng, Yorlah khân păng nde krap tâm Păng.

Nau Hôr 17:13

Mbu nơm sŏk nau mhĭk mplơ̆ ma nau ueh, Nau mhĭk mâu mra du ôh bơh ngih păng.

Nau Hôr 19:11

Nau blau mĭn bơh du huê bunuyh ƀư ăn păng băt ji nuih, Jêh ri yor nau khưm păng mâu ndăng ôh nau tih bu.

Nau Hôr 20:21

Drăp ndơ dơi geh ngăch ndal nôk ntơm dak bôk Mâu mra dơi geh nau ueh uĭn ôh ta nglĕ dŭt.

Nau Hôr 24:29

Lơi lah ôh: “Gâp mra ƀư ma păng nâm bu păng hŏ ƀư ma gâp; Gâp mra har plơng ma ăp nơm tĭng nâm nau păng hŏ ƀư.”

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Kan Lêvi 19:18

Lơi ta plơng har, mâu lah anh nau ji nuih ma phung ƀon lan khân may ôh, ƀiălah rŏng hom phung chiau meng tâm ban ma khân may nơm. Gâp jêng Brah Yêhôva.

Mathay 5:39

Ƀiălah Gâp lah ma khân may: Lơi tâm rdâng ôh đah bunuyh mhĭk. Ƀiălah, tơlah bu tap bom pa ma, ăn bom pa chiau ma păng tap tâm ban lĕ;

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”

I Têsalônik 5:15

Njrăng hom, lơi sŏk nau mhĭk mplơ̆ nau mhĭk, ƀiălah joi nau ƀư ueh ƀaƀơ ndrăng khân may tâm ban ma lĕ rngôch bunuyh.

I Pêtrôs 2:23

Nôk bu rak rtăp, Păng mâu rak rtăp ma bu ôh; tâm nôk dơn nau rêh ni, Păng mâu mâp thăm rmat ôh; ƀiălah jao Păng nơm ma Nơm phat dôih sŏng.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

I Pêtrôs 4:19

Pôri, phung dơn nau rêh ni tĭng nâm nau Brah Ndu ŭch, thoi đŏng ƀư nau ueh jêh ri jao huêng khân păng nơm ma Nơm Rhăk Njêng răp jăp.

I Samuel 25:13

Y-Đavit lah ma phung tĭng ndô̆ păng: “Ăn ăp nơm cheng đao păng!” Khân păng cheng đao păng nơm, Y-Đavit tâm ban đŏng cheng đao. Klăp lah tâm puăn rhiăng nuyh hăn hao tĭng Y-Đavit, hôm bar rhiăng nuyh gŭ ta aơ gay mât ndô ndơ.