Nau Hôr 20:19 - Nau Brah Ndu Ngơi 2023

¹⁹ Mbu nơm nkoch bri njĭp vay rhi mpơl ro nau dŭt ndâp; Lơi may tâm rnglăp ôh ndrel ma phung vay ngơi âk ir.

Nau Hôr 20:19 ပူးပေါင်းရင်းမြစ်များ

Nau Mprơ Ơm 101:5

Nơm ndâp mpôn ngơi djơh ma phung chiau meng păng, Gâp mra mƀăr lơi. Bi ma phung geh măt n'hao êng nơm jêh ri nuih n'hâm sưr, Gâp mâu mra yô̆ ôh.

Nau Hôr 11:13

Nơm dăng nkoch bri mpơl lĕ nau ndâp, Bi ma bunuyh khư nau rnơm nsing prăp ndâp nau kan êng păng.

Nau Hôr 13:3

Mbu nơm blau njrăng bâr mbung dơi mât nau rêh păng nơm, Ƀiălah nơm nđar huy ir mbung n'ho geh nau rai yot.

Nau Hôr 16:29

Bunuyh janh ƀai ndơm ma mĭt jiăng păng nơm, Jêh ri njŭn leo păng tâm trong mâu ueh ôh.

Nau Hôr 18:8

Nau nơm nkoch bri nsak nâm bu ndơ sa kah, Păng lăp trŭnh tât proch klơm.

Nau Hôr 24:21

Hơi kon gâp, klach yơk hom ma Brah Yêhôva jêh ri yơk ma hađăch; Lơi tâm rnglăp ôh đah phung tâm rdâng,

Kan Lêvi 19:16

Mâu dơi tâm phong ta nklang phung mpôl băl, mâu đŏng ngơi nchơt mƀruh gay ƀư mhĭk nau rêh ma phung chiau meng. Gâp jêng Brah Yêhôva.

Samƀŭt Pôl Njuăl Ăn Ma Phung Nsing Ta Ƀon Rôm 16:18

Yorlah phung pônây mâu pah kan ma Brah Krist, Kôranh Brah he ôh, ƀiălah pah kan ma ndŭl khân păng nơm; khân păng sŏk nau ngơi ueh, ngơi rnê gay ma ndơm mƀruh lĕ nuih n'hâm phung sŏng.