Nau Hôr 20:18 - Nau Brah Ndu Ngơi 2023

¹⁸ Yor tă nau tâm nchră, lĕ rngôch nau gŭ mĭn dơi ndâk njêng nâp; Ƀư nau tâm lơh hom đah nau blau mĭn.

Nau Hôr 20:18 ပူးပေါင်းရင်းမြစ်များ

I Phung Hađăch 1:12

Aƀaơ aơ, gâp mra ntĭm leo ma ay du nau nchră gay rklaih nau rêh ay jêh ri nau rêh kon ay jêng Y-Salômôn.

II Phung Hađăch 18:20

May mĭn knŏng ma rplay ngơi dơm dam dơi rgâl nau blau nchră jêh ri nau dăng ktang gay tâm lơh hĕ? Pôri aƀaơ, ma mbu may rnơm nsing kŏ tât may janh tâm rdâng đah gâp?

Nau Hôr 11:14

Mâu geh kôranh chiă uănh, phung ƀon lan mra rlâm tŭp, Ƀiălah yor geh âk phung kơl nchră păng dơi geh nau đăp rmên.

Nau Hôr 15:22

Mâu geh nau tâm nchră, nau ŭch ƀư mâu mra jêng, Yor geh âk bunuyh kơl nchră, nau ŭch nchră mra jêng.

Nau Hôr 24:6

Ăn may rnơm ma blau mĭn gay tâm lơh, Tă geh âk bunuyh tâm kơl nchră mra geh nau dơi.

Nau Hôr 25:8

Lơi ir ndal ƀư nau phat dôih, Klach lah phung chiau meng may ƀư ma may bêk prêng Pôri nglĕ dŭt mâu hôm gĭt moh may mra ƀư.

Luka 14:31

Mâu lah geh du huê hađăch hăn tâm lơh đah hađăch êng, ƀiălah lor lơn mâu gŭ tâm nchră gay sek uănh păng djôt leo jât rbăn tahan klăp lah tâm rdâng đah hađăch ri geh bar jât rbăn tahan?

Phung Kôranh Phat Dôih 19:30

Lĕ rngôch phung saơ jêh nau nây lah: “Ntơm bơh nar phung ƀon lan Israel du luh bơh Êjipt kŏ tât ma nar aơ mâu prot saơ ôh nau tât kơt nĕ? Dăn khân may mĭn hom ma nau aơ, tâm nchră jêh ri moh nau mra ƀư.”

Phung Kôranh Phat Dôih 20:18

Pônây, phung ƀon lan Israel dâk hăn hao ma Bêthel jêh ri ôp ma Brah Ndu pô aơ: “Mbu nơm tâm hên mra hăn tâm lơh đah ndŭl mpôl Benjamin?” Brah Yêhôva plơ̆ lah: “Phung Yuđa mra hăn lor.”

Phung Kôranh Phat Dôih 20:23

Phung ƀon lan Israel hăn hao jêh ri nhĭm panăp Brah Yêhôva kŏ tât kêng măng. Khân păng ôp ma Brah Yêhôva pô aơ: “Hên dơi lĕ plơ̆ tâm lơh tay đah phung Benjamin, jêng phung oh nâu ma hên?” Brah Yêhôva plơ̆ lah: “Hăn hao lơh hom khân păng!”

Phung Kôranh Phat Dôih 20:7

Aơ, lĕ rngôch phung ƀon lan Israel geh măt ta aơ. Khân may nchră hom ndrăng khân may gay ma gĭt mâm nau mra plơng.”

Phung Kôranh Phat Dôih 9:29

Ô! Tơlah phung ƀon lan aơ gŭ tâm dâng ti gâp, gâp mra mprơh Y-Abimêlek hăn luh!” Y-Gaal rlong uănh: “Y-Abimêlek! Ntop đŏng ăn âk tahan may gay hăn luh tâm lơh!”