Nau Hôr 20:15 - Nau Brah Ndu Ngơi 2023

¹⁵ Geh mah jêh ri âk lŭ khlay, Ƀiălah mpiăt blau mĭn jêng ndơ khlay ngăn ngên.

Nau Hôr 20:15 ပူးပေါင်းရင်းမြစ်များ

Nau Hôr 25:12

Ma đah tôr gĭt iăt, nau nduyh bơh bunuyh blau mĭn Nâm bu du mlâm rgên mah, du ndơ nkrơ̆ đah mah chrêk.

Nau Hôr 8:11

Yorlah nau blau mĭn geh rnoh khlay lơn ma lŭ khlay, Lĕ rngôch ndơ khlay mâu dơi ban rnoh khlay păng.

Nau Hôr 16:24

Nau ngơi ueh jêng nâm bu mpơng sŭt, Kah njŭng ăn ma huêng jêh ri nau dăng ktang ma săk jăn.

Nau Hôr 16:16

Dơi geh nau blau mĭn, khlay lơn ma mah chrêk! Dơi geh nau gĭt rbăng, khlay lơn ma prăk!

Nau Hôr 15:7

Bâr mbung bunuyh blau mĭn ăn bĭk nau gĭt rbăng, Bi nuih n'hâm phung rluk mâu dơi nâm bu pônây ôh.

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Nau Hôr 16:21

Bunuyh geh nuih n'hâm blau mĭn bu kuăl jêng bunuyh gĭt rbăng, Nau ngơi rdơ̆ sâm n'hao nau blau mĭn.

Nau Hôr 3:15

Nau blau mĭn khlay lơn ma lŭ chrêk, Mâu geh ôh ndơ khlay may ŭch dơi tâm rđĭl ban đah păng.

Nau Hôr 15:23

Mbung blau plơ̆ lah ƀư ăn bu răm maak, Nau ngơi di mông jêng ueh ngăn ngên!

Nau Hôr 20:14

Bunuyh rvăt ndơ n'ho ngơi lah: “Mhĭk, mhĭk!” Jêh nây luh du rnê êng păng nơm.

Nau Hôr 20:16

Kuăn sŏk hom ao păng yorlah păng hŏ chuai jêh ma bunuyh mâu bên; Mât prăp hom ndơ ƀư nau râng yorlah păng hŏ chuai bu ur bu năch.

Nau Hôr 5:2

Gay ma may dơi mât nau blau njrăng, Jêh ri mbung may djôt prăp nau blau mĭn âk.

Nau Hôr 8:10

Dơn hom nau gâp ntĭm nti ueh lơn ma dơn prăk, Sŏk dơn nau blau mĭn rlau lơn ma mah ngăn;