Nau Hôr 20:1 - Nau Brah Ndu Ngơi 2023

¹ Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 20:1 ပူးပေါင်းရင်းမြစ်များ

II Samuel 11:13

Y-Đavit jă păng sông sa nhêt ndrel ma păng, jêh ri nchâp păng nhêt kŏ tât nhŭl. Ƀiălah tât kêng măng, Y-Uri hăn bê̆ch klơ sưng ndrel phung oh mon kôranh păng nơm, ƀiălah mâu hăn sĭt ôh ma ngih păng.

II Samuel 13:28

Y-Apsalôm ntĭnh ma phung oh mon păng: “Kâp uănh tơlah nuih n'hâm Y-Amnôn maak yor ndrănh, jêh ri tơlah gâp lah ma khân may: ‘dong hom Y-Amnôn,’ pônây nkhĭt hom păng ro yơh. Lơi klach ôh! Mâu di hĕ gâp nơm yơh đă ma khân may ƀư nau nây? Ăn khân may nănh janh jêh ri mpơl nau janh ktang!”

Nau Hôr 23:20

Lơi tâm rnglăp ôh ndrel ma phung dăng nhêt ndrănh, Mâu lah ndrel phung kơnh sa;

Nau Hôr 31:4

Hơi Y-Lêmuêl, mâu ueh ôh ăn ma phung hađăch, Mâu ueh ôh ăn hađăch nhêt ndrănh, Mâu lah phung kôranh ôp: “Mbah ntŭk ndrănh?”

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsai 5:11

Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Êsai 5:22

Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Êsai 56:12

Khân păng jă ndrăng khân păng: “Văch hom, gâp mra sŏk ndrănh, He mra nhŭl yor ndrănh dăng; Nar ôi taơ tâm ban đŏng ma nar aơ, Jêh ri nau khlay rlau lơn ma nĕ.”

Ndrom Samƀŭt bơh Ôsê 4:11

Nau văng tĭr, ndrănh ơm jêh ri ndrănh mhe Ƀư ma khân păng roh lĕ nau gĭt rbăng.

Ndrom Samƀŭt bơh Ôsê 7:5

Tâm nar maak hađăch he Phung kôranh ji kop yor n'hôl ƀâu ndrănh; Hađăch nhŭp ti nđâp phung suai rak.

Kan Lêvi 10:9

“May jêh ri ăp kon bu klâu may mâu dơi nhêt ndrănh krăk ƀâu mâu lah ndơ nhêt geh ndrui, nôk lăp tâm Ngih Bok Nau Tâm Rƀŭn, klach lah phung kon mra khĭt. Nĕ jêng du nau vay dăp n'ho ro ma lĕ rngôch rnôk ăp rô̆.

Habakuk 2:5

N'hêl nanê̆, păng geh ndrănh mƀruh, Păng sưr jêh ri mâu geh ôh nau gŭ đăp mpăn. Nuih n'hâm ŭch kơnh păng pơk huy nâm bu ƀon phung khĭt, Nâm bu nau khĭt, păng mâu blau mpay ôh; Păng tâm rgum lĕ rngôch bri dak Jêh ri sŏk lĕ rngôch phung ƀon lan sĭt ma păng nơm.”

I Kôrintô 6:10

Lơi ta ndơm mƀruh khân may nơm. Phung văng tĭr, phung mbah rup brah, phung tâm lâm, bu klâu ndrăng bu klâu jêh ri bu ur ndrăng bu ur, phung ntŭng, phung kơnh rlau ir, phung nhŭl ndrănh, phung dăng suai rak, phung ntŭng, mâu mra dơi dơn ƀon bri hađăch Brah Ndu ôh.

Galati 5:21

keh nach, nhŭl ndrănh, nhêt sa blă blơ, jêh ri lĕ nau êng tâm ban kơt nây. Gâp mbơh lor ma khân may, tâm ban gâp hŏ tă mbơh lor: Mbu nơm ƀư tih pônây mâu mra dơi dơn ƀon bri hađăch Brah Ndu.

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.