Nau Hôr 2:4 - Nau Brah Ndu Ngơi 2023

⁴ Tơlah may joi păng nâm bu prăk rêl, Joi păng nâm bu ndô ndơ khlay pôn ndâp,

Nau Hôr 2:4 ပူးပေါင်းရင်းမြစ်များ

Nau Ntơm 26:32

Tâm nar nây đŏng, phung oh mon Y-Isăk hăn mbơh ma păng ma ntu dak khân păng mhe kuyh. Khăn păng lah: “Hên joi dak saơ jêh.”

Ndrom Samƀŭt bơh Yôp 3:21

Khân păng ŭch khĭt ƀiălah mâu ôh dơi khĭt, Joi nau khĭt âk lơn ma đah joi ndơ khlay

Nau Mprơ Ơm 119:127

Gâp rŏng ma nau vay May ntăm rlau lơn ma mah, Rlau lơn ma mah kloh.

Nau Mprơ Ơm 119:14

Gâp maak tâm trong May hŏ ntĭnh jêh, Rlau lơn nau maak dơn lĕ nau ndrŏng.

Nau Mprơ Ơm 119:72

Nau vay tă bơh bâr mbung May ntĭnh ntăm Jêng khlay ngăn ma gâp rlau ma âk rbăn mah jêh ri prăk.

Nau Mprơ Ơm 19:10

Lĕ nau nây khlay lơn ma mah, Nanê̆ ngăn khlay lơn ma mah chrêk; Njŭng lơn ma dak sŭt, Ngăn yơh njŭng lơn ma mpơng dak sŭt.

Nau Hôr 16:16

Dơi geh nau blau mĭn, khlay lơn ma mah chrêk! Dơi geh nau gĭt rbăng, khlay lơn ma prăk!

Nau Hôr 2:3

Ngăn yơh, tơlah may vơl dăn nau gĭt rbăng Jêh ri vơh vơl nau gĭt rbăng,

Nau Hôr 23:23

Rvăt hom nau ngăn, nau blau mĭn, nau ntĭm nti, jêh ri nau gĭt rbăng, Lơi ta tăch lơi ôh!

Nau Hôr 4:7

Nau blau mĭn jêng du ntil nau khlay rlau lơn, joi hom nau blau mĭn; Dŏng hom ma lĕ ndơ may geh gay rvăt nau gĭt rbăng.

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Nơm Nti 4:8

Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Mathay 13:44

“Ƀon bri hađăch klơ trôk tâm rđĭl nâm bu jay ndơ khlay tâp ndâp lơi tâm du lôk mir lŏ. Du huê bunuyh joi saơ jêh ri pôn ro, păng răm maak sĭt tăch lĕ rngôch ndơ păng geh, gay rvăt mir lŏ nây.”

Mathay 19:29

Ma mbu nơm ƀư lư n'găr ma amoh Gâp ngih vâl, oh nâu, oh nur, mê̆ mbơ̆, phung kon, neh mir lŏ, yor amoh Gâp, nơm nây mra dơi dơn du rhiăng tơ̆ âk lơn, jêh ri dơn nau rêh n'ho ro.

Luka 16:8

Kôranh păng tâm rnê ma bunuyh mât uănh ngih kue nây ƀư blau gĭt mĭn ngăn kơt nây. Yorlah phung kon rnôk aơ blau rlau lơn phung kon nau ang tâm nau gŭ ngao ma phung băl khân păng.