Nau Hôr 2:22 - Nau Brah Ndu Ngơi 2023

²² Ƀiălah phung djơh mhĭk mra ƀư rai lơi bơh n'gor, Phung mâu răp jăp bu mra mprơh lơi bơh ƀon tơm.

Nau Hôr 2:22 ပူးပေါင်းရင်းမြစ်များ

I Phung Hađăch 14:14

Brah Yêhôva mra n'hao du huê ƀư hađăch ma phung Israel, păng mra ƀư rai ngih Y-Jêrôbôam ro nar aơ. Di ngăn, aƀaơ ro!

I Nau Rêh Jêng 10:13

Pôri, hađăch Sôl khĭt jêh yor păng mâu gŭ răp jăp đah Brah Yêhôva, mâu djôt prăp ôh nau Păng ntăm. Rlau ma nây, păng ôp ma phung ngơi ndrel đah brah mhĭk,

Ndrom Samƀŭt bơh Yôp 21:30

‘Tâm nar rêh ni phung ƀai dơi klaih bơh nau mhĭk tât, Jêh ri tâm nar geh nau ji nuih mâm păng dơi klaih săk jăn’?

Nau Mprơ Ơm 104:35

Ăn phung tih rai lôch bơh neh ntu Jêh ri phung mhĭk mâu hôm geh đŏng ôh. Ơ huêng gâp, mprơ tâm rnê hom ma Brah Yêhôva! Halêluya!

Nau Mprơ Ơm 145:20

Brah Yêhôva king n'gang lĕ rngôch phung rŏng ma Păng, Ƀiălah Păng mra ƀư rai lĕ rngôch phung ƀai.

Nau Mprơ Ơm 37:20

Bi ma phung mhĭk mra rai yot; Phung rlăng Brah Yêhôva mra nâm bu ngi kon biăp, Bu mra su gŭch, rai lêk roh hêt nâm bu nhhŭk tŭk.

Nau Mprơ Ơm 37:22

Yorlah phung Brah Ndu ăn nau ueh uĭn mra dơn neh, Bi ma phung Păng rak rtăp mra rai yot.

Nau Mprơ Ơm 37:28

Yorlah Brah Yêhôva rŏng ma nau di, Mâu chalơi ôh phung kloh ueh Păng. Bunuyh sŏng srăng Păng mât mray n'ho ro. Bi noi deh phung mhĭk mra rai lôch.

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Nau Mprơ Ơm 52:7

“Nây jêng nơm mâu rnơm Brah Ndu Ƀư ntŭk mbe krap ma păng Ƀiălah rnơm nsing ma nau ndrŏng kuăng rmeh ler, Jêh ri ƀư ma păng nâp ma nau djơh mhĭk!”

Nau Hôr 10:30

Phung sŏng srăng mâu mra n'gơ ôh, Ƀiălah phung djơh mhĭk mâu dơi gŭ chăm bri ôh.

Nau Hôr 11:3

Nau di phung sŏng têk ndrêng khân păng, Bi nau tih mhĭk phung mâu răp jăp ƀư rai khân păng.

Nau Vay Nkah Tay 29:20

Brah Yêhôva mâu mra yô̆ an ôh ma păng nây, ƀiălah nau ji nuih jêh ri nau ntôn bơh Brah Yêhôva mra su bunuyh nây. Lĕ rngôch nau rak rtăp hŏ nchih jêh tâm ndrom samƀŭt aơ mra nkhŭt ta păng jêh ri Brah Yêhôva mra jut lơi amoh păng bơh tâm neh ntu aơ.

Nau Vay Nkah Tay 29:28

Tâm nau ji nuih, krit mbât jêh ri nau ji nuih lĕ dŭt n'hâm Brah Yêhôva hŏ ngluh lơi jêh phung ƀon lan aơ bơh n'gor khân păng jêh ri klŭp mƀăr khân păng tâm n'gor êng, nâm bu nau lĕ geh nar aơ.”

Nau Vay Nkah Tay 7:22

Yêhôva Brah Ndu khân may mra lơh mbrơi mbrơi phung ndŭl mpôl aơ bơh khân may. Khân may mâu dơi ƀư rai khân păng ro ôh, tơlah pônây mpô mpa bri mra deh kon âk, ƀư mhĭk ma khân may.