Nau Hôr 2:13 - Nau Brah Ndu Ngơi 2023

¹³ Jêh ri phung nây chalơi trong nau sŏng Ŭch hăn tĭng trong ngo klĕng;

Nau Hôr 2:13 ပူးပေါင်းရင်းမြစ်များ

Nau Mprơ Ơm 14:3

Lĕ rngôch vĭ nhhơt da dê; jêng ndrel tâm nau rai yot; Mâu geh du huê bunuyh ƀư nau ueh ôh, Nđâp tơlah du huê mâu geh lĕ.

Nau Mprơ Ơm 36:3

Lĕ nau ngơi tă bơh mbung păng jêng nau mhĭk jêh ri nau ndơm da dê; Păng chalơi jêh nau rêh tâm nau blau mĭn jêh ri chalơi nau ueh.

Nau Mprơ Ơm 82:5

Khân păng mâu gĭt mâu lĕ gĭt rbăng, Khân păng chuat hăn tâm nau ngo klĕng; Yor nây, lĕ rngôch mbon neh ntu n'gơ jêh.

Nau Hôr 21:16

Bunuyh vĭ nhhơt bơh trong gĭt mĭn Mra gŭ tâm mpôl phung khĭt.

Nau Hôr 4:19

Bi ma trong phung djơh mhĭk bêng ma nau ngo klĕng; Khân păng mâu gĭt ôh păng nơm chêh prah moh yor!

Êsai 59:8

Khân păng mâu mâp gĭt trong nau đăp mpăn ôh, Mâu geh nau sŏng ôh tâm trong khân păng. Khân păng ƀư kue êng lĕ trong khân păng nơm, Mbu nơm nhuat hăn ta nây mâu gĭt nau đăp mpăn ôh!

Êsêkiêl 18:26

Tơlah bunuyh sŏng srăng chalơi nau sŏng srăng păng jêh ri ƀư tih, pôri păng mra khĭt; yor nau ƀai păng hŏ ƀư jêh ri bunuyh nây mra khĭt.

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Yôhan 1:6

Geh du huê bunuyh Brah Ndu njuăl văch amoh păng Y-Yôhan.

Yôhan 12:35

Brah Yêsu lah: “Nau ang hôm gŭ ndrel khân may ƀât lât dơm. Hăn hom dôl khân may hôm geh nau ang, klach nau ngo ƀât lât nkŭm khân may. Mbu nơm hăn tâm nau ngo păng mâu gĭt ôh mbah ntŭk păng hăn.

Samƀŭt Pôl Njuăl Ăn Ma Phung Nsing Ta Ƀon Rôm 1:21

Yorlah nđâp tơlah hŏ gĭt năl jêh Brah Ndu, khân păng mâu ŭch tâm n'hao prêh ma Păng jêng Brah Ndu ôh jêh ri mâu lah ueh Păng, ƀiălah khân păng ăt mĭn mâu geh kô̆; nuih n'hâm rluk mâl khân păng plơ̆ jêng nau ngo klĕng.

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.