Nau Hôr 19:3 - Nau Brah Ndu Ngơi 2023

³ Nau rluk ma du huê bunuyh ƀư rai lơi trong păng nơm, Jêh ri nuih n'hâm păng nduyh rlơ̆ Brah Yêhôva.

Nau Hôr 19:3 ပူးပေါင်းရင်းမြစ်များ

II Phung Hađăch 6:33

Tâm nôk Y-Êlisê hôm e ngơi ndrel ma khân păng, bunuyh mbơh văch tât jêh ri lah ma păng: “Nau mhĭk aơ luh tă bơh Brah Yêhôva. Pôri, mâm ƀư gâp hôm kâp gân ma Brah Yêhôva?”

Ndrom Samƀŭt bơh Yôp 15:13

Kŏ tât huêng may tâm rdâng đah Brah Ndu, Jêh ri mbung may luh nau ngơi tâm ban pônây?

Nau Mprơ Ơm 37:1

Lơi ta rngot may nơm yor phung ƀai ôh, Mâu dơi keh nach lĕ phung ƀư nau mhĭk.

Nau Mprơ Ơm 37:7

Gŭ rklăk hom tanăp Brah Yêhôva jêh ri gŭ kâp ma Păng. Lơi ăn rngot may nơm yor du huê bunuyh dơi jêng tâm trong păng Mâu lah bunuyh ƀư lĕ nau ŭch ƀư mhĭk.

Nau Hôr 11:3

Nau di phung sŏng têk ndrêng khân păng, Bi nau tih mhĭk phung mâu răp jăp ƀư rai khân păng.

Êsai 32:6

Yorlah bunuyh rluk mra ngơi lĕ nau rluk, Nuih n'hâm khân păng mĭn ƀư nau mhĭk Gay ŭch ƀư nau ƀơ̆ ƀơch, Ngơi nau mhĭk đah Brah Yêhôva; Ƀư ma bunuyh ji ngot gŭ ndŭl hŏng, Jêh ri nơm ji hir mâu dơi nhêt dak.

Nau Nhĭm Vơl 3:39

Mâm ƀư bunuyh dôl gŭ rêh ngơi ƀrôk Ma nau tâm rmal prăp ăn ma nau tih păng nơm?

Êsêkiêl 18:25

Khân may lah tay pô aơ: ‘Trong Kôranh Brah mâu sŏng ôh.’ Pônây hơi ngih Israel, iăt hom: Trong Gâp mâu sŏng ôh hĕ? Mâu di trong khân may hĕ mâu sŏng ôh?

I Samuel 13:13

Y-Samuel lah ma Y-Sôl: “May ƀư nau brŭt moih jêh, mâu djôt prăp ôh lĕ nau vay ntăm bơh Yêhôva Brah Ndu may hŏ ntăm ma may. Nanê̆, Brah Yêhôva hŏ njêng ƀon bri hađăch may nâp n'ho ro ma phung Israel;

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”