Nau Hôr 19:21 - Nau Brah Ndu Ngơi 2023

²¹ Tâm nuih n'hâm bunuyh geh âk nau nchră, Ƀiălah nau ŭch bơh Brah Yêhôva mra dơi jêng.

Nau Hôr 19:21 ပူးပေါင်းရင်းမြစ်များ

Nau Ntơm 50:20

Khân may mĭn ƀư mhĭk ma gâp, ƀiălah Brah Ndu ăn nau nây jêng nau ueh gay ƀư du nau dôl tât geh nar aơ, nâm bu ntĭt mât njrăng nau rêh ma âk bunuyh tât jêh nar aơ.

II Samuel 17:14

Y-Apsalôm jêh ri lĕ rngôch phung Israel lah da dê: “Nau nchră Y-Husai, bunuyh Arkit, jêng ueh lơn ma nau nchră Y-Ahitôpel.” Yorlah Brah Yêhôva hŏ nal jêh ŭch ƀư roh nau nchră Y-Ahitôpel, gay ăn nau mhĭk tât ma Y-Apsalôm.

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Ndrom Samƀŭt bơh Yôp 23:13

Păng nơm hŏ ntrŭnh jêh pôri mbu moh dơi ƀư ăn Păng rgâl nau mĭn? Moh ntil nau Păng hŏ ŭch, Păng mra ƀư ro;

Nau Mprơ Ơm 21:11

Nđâp tơlah khân păng ŭch ƀư tâm rdâng ma Kôranh Brah Khân păng mĭn ƀư nau ƀai, ƀiălah khân păng mâu dơi jêng ôh.

Nau Mprơ Ơm 83:4

Khân păng lah: “Văch hom nkhĭt lĕ khân păng bơh lĕ bri dak, Gay ma khân păng mâu hôm kah gĭt amoh Israel đŏng ôh.”

Nau Hôr 12:2

Bunuyh ueh sŏk dơn nau yô̆ bơh Brah Yêhôva, Ƀiălah nơm nchră nau mhĭk Păng tâm rmal nơm tih.

Nau Hôr 16:1

Lĕ rngôch nau nchră tâm nuih n'hâm jêng nau kan kon bunuyh, Ƀiălah nau plơ̆ lah văch bơh Brah Yêhôva.

Nau Hôr 16:9

Kon bunuyh ŭch mĭn trong păng, Ƀiălah Brah Yêhôva ntĭm leo lĕ nhuat păng.

Nau Hôr 19:22

Nau bu gay ŭch ma du huê bunuyh jêng nuih n'hâm răp jăp, Ueh lơn ƀư bunuyh o ach rlau lơn jêng nơm ngơi mƀruh.

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Nơm Nti 7:29

Ƀiălah aơ jêng nau knŏng nguay gâp dơi joi: ‘Brah Ndu hŏ rhăk njêng kon bunuyh sŏng, Ƀiălah khân păng nơm hŏ joi âk ndơm.’”

Êsai 14:24

Brah Yêhôva ma phung tahan hŏ sơm ton pô aơ: “N'hêl nanê̆ nau Gâp hŏ dăp mra tât ngăn, Nau Gâp hŏ ƀư păng mra nâp.

Êsai 46:10

Ntơm bơh saơm, Gâp hŏ mbơh lor nau tât kêng dŭt, Jêh ri hŏ mbơh bơh rnôk kăl e nau ê hŏ tât. Gâp hŏ lah: ‘Nau Gâp nchră mra jêng, Jêh ri Gâp mra ƀư lĕ nau Gâp ŭch.’

Yêrêmi 44:29

Brah Yêhôva lah: ‘Aơ jêng nau mbên khlay ăn ma khân may gĭt Gâp mra tâm rmal khân ay may tâm ntŭk aơ, gay ma khân ay may gĭt pô aơ nau Gâp lah ma nau mhĭk tât jêng nau geh ngăn ma khân may.’

Êsêkiêl 20:32

Khân may lah pô aơ: “Hên ŭch tâm ban ma lĕ ntil mpôl bunuyh, lĕ rngôch bri dak ta klơ neh, mbah ma brah tơm si jêh ri lŭ.” Ƀiălah nau khân may ŭch mĭn nây mâu mra geh tât ôh.’

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

I Pêtrôs 2:8

jêh ri jêng “Lŭ ƀư chêh jâng, Lŭ toyh ƀư chêh prah bu;” Khân păng chêh prah yorlah mâu tông prăp ma nau chroh, tâm ban ma tâm nal jêh ma khân păng.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.