Nau Hôr 19:2 - Nau Brah Ndu Ngơi 2023

² Nuih n'hâm pưt nau gĭt rbăng mâu lĕ dơi jêng du ntil nau ueh, Mbu nơm hăn ndal mra geh nau chêh prah.

Nau Hôr 19:2 ပူးပေါင်းရင်းမြစ်များ

II Phung Hađăch 4:39

Du huê tâm phung khân păng hăn luh tâm mir gay pĕ trau, saơ du rse rtau tâm krŏng tâm ban ma play krăk ƀâu bri, pĕ lĕ play rpŭng bri nây, djôt leo bêng ntôr ao păng nơm. Tơlah păng plơ̆ sĭt, siăt jêng âk glo, dơm tâm glah ƀŭng ƀư trau ƀiălah mâu gĭt ôh nây jêng moh play.

Ndrom Samƀŭt bơh Yôp 31:5

Tơlah gâp geh hăn trong ma nau mƀruh nklă, Jêh ri jâng gâp chuat ndal tât ntŭk nau ndơm;

Nau Hôr 1:16

Yorlah jâng khân păng ngăch nchuăt tât ma nau mhĭk, Ndil ndal ƀư nkhŭt mham bunuyh.

Nau Hôr 10:21

Bâr mbung bunuyh sŏng srăng siăm âk bunuyh rêh, Bi phung rluk khĭt yor mâu geh nau gĭt vât.

Nau Hôr 14:29

Bunuyh băt duh nuih bêng ma nau gĭt rbăng, Ƀiălah bunuyh vay gơnh duh nuih lơ hô n'hao nau brŭt moih.

Nau Hôr 21:5

Lĕ nau mĭn bunuyh gơih nanê̆ njŭn tât ma nau rmeh ler, Bi ma lĕ rngôch nơm ndal ir knŏng nchuăt tât ma nau pưt kƀah.

Nau Hôr 25:8

Lơi ir ndal ƀư nau phat dôih, Klach lah phung chiau meng may ƀư ma may bêk prêng Pôri nglĕ dŭt mâu hôm gĭt moh may mra ƀư.

Nau Hôr 28:20

Bunuyh răp jăp mra geh âk nau ueh lăng, Ƀiălah phung ndal ir ŭch ƀư ndrŏng mâu klaih ôh nau tâm rmal.

Nau Hôr 28:22

Bunuyh geh măt ndơm kơnh ndal ir nchuăt tĭng drăp ndơ, Mâu gĭt ôh nau pưt mâu tŏng mra tât kêng păng.

Nau Hôr 29:20

May saơ lĕ nơm ngơi ndal ir tâm nau ngơi păng? Du huê nơm rluk hôm e geh nau kâp gân lơn ma păng.

Nơm Nti 12:9

Nơm nti mâu jêng bunuyh blau mĭn dơm ôh hôm jêng đŏng bunuyh bơh nau gĭt rbăng ma phung ƀon lan. Păng hŏ sek uănh, tĭng joi jêh ri dăp âk trong nau hôr.

Nơm Nti 7:9

Lơi ir ngăch ăn nuih n'hâm he ji nuih, Yorlah nau ji nuih ơm gŭ tâm ndŭl phung rluk.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 28:16

Yor nây, Kôranh Brah jêng Brah Yêhôva lah pô aơ: “Aơ, Gâp dơm ta Siôn du mlâm lŭ, Jêng lŭ rlong uănh, lŭ njônh ngih, lŭ khlay, Ƀư mbon nâp ktang Gay ma mbu nơm chroh mâu mra rŭng răng ôh.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Yôhan 16:3

Khân păng mra ƀư lĕ nau nây yorlah khân păng mâu gĭt năl Mbơ̆, mâu gĭt Gâp đŏng.

Samƀŭt Pôl Njuăl Ăn Ma Phung Nsing Ta Ƀon Rôm 10:2

Gâp mbơh nkoch ma khân păng geh nau duh nđơr ma Brah Ndu, ƀiălah nau duh nđơr nây pưt nau gĭt rbăng.

Philip 1:9

Tâm nau gâp dăn mbơh sơm, nây jêng nau rŏng khân may lơ nar lơ hao lơn, ndrel ma nau gĭt rbăng jêh ri lĕ rngôch gĭt vât jru ngăn,