Nau Hôr 19:17 - Nau Brah Ndu Ngơi 2023

¹⁷ Mbu nơm gĭt yô̆ ma phung o ach jêng ăn Brah Yêhôva manh, Păng mra mplơ̆ sĭt nau kan ueh nây ăn ma păng.

Nau Hôr 19:17 ပူးပေါင်းရင်းမြစ်များ

II Samuel 12:6

Ăn păng ntrok puăn tơ̆ rnoh biăp kon, yorlah hŏ ƀư jêh nau aơ jêh ri yorlah mâu geh nau yô̆ nđach ôh.”

Nau Mprơ Ơm 41:2

Brah Yêhôva mra chiă uănh jêh ri mât mơh nau rêh păng: Bunuyh nây geh nau ueh maak ngăn ta neh ntu. Jêh ri May mâu jao păng ma phung rlăng ŭch ƀư păng.

Nau Mprơ Ơm 72:13

Păng mra yô̆ nđach ma phung pưt kƀah jêh ri o ach Jêh ri rklaih nau rêh phung pưt kƀah.

Nau Hôr 12:14

Du huê bunuyh mra dơi geh bêng ler nau ueh yor play bơh bâr mbung păng, Jêh ri ăp nơm mra sŏk dơn tĭng nâm kan ti păng hŏ ƀư.

Nau Hôr 14:21

Mbu nơm tâm rmot ma phung chiau meng jêng tih, Bi ma nơm yô̆ nđach ma phung o ach geh nau ueh maak ngăn.

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nau Hôr 22:9

Bunuyh geh nau blau yô̆ mra geh nau ueh uĭn, Yorlah păng tâm pă ndơ sông sa păng nơm ăn ma phung o ach.

Nau Hôr 28:27

Mbu nơm ăn ma bunuyh o ach mâu mra pưt ôh, Bi ma nơm nhêp măt mâu gĭt yô̆ bu mra geh âk nau rak rtăp.

Nau Hôr 28:8

Mbu nơm ăn bu manh sa kao jâk ƀiălah drăp ndơ păng gay n'hao ntop âk, Jêng prăp bun ndơ nây ăn ma bunuyh geh nuih n'hâm yô̆ nđach ma phung o ach.

Nơm Nti 11:1

Srih hom piăng let may ta klơ măt dak, Yorlah âk nar pakơi, may mra dơi joi tay.

Nơm Nti 11:2

Tâm pă hom kô̆ may ăn ma pơh mâu lah pham bunuyh, Yorlah may mâu gĭt ôh moh nau mhĭk mra tât geh ta klơ neh.

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Luka 6:38

Ăn hom, khân may mra dơi ăn tay; bu mra sŏk thŭng toyh veh bêng, mpet jŭr, rgu kŏ tât nôk bêng ler, jêh nây nkhŭt tâm ntôr ao khân may; yorlah mâm nau khân may veh ma bu, pôri khân may mra dơn tay veh kơt nây.”

Nau Vay Nkah Tay 24:19

Lah khân may roih rek ba tâm mir, ƀiălah chuêl djôt du nchăp ba ta nây, lơi hôm hăn sŏk ôh. Nchăp ba nây prăp ma nơm gŭ njưh ƀât lât, ma kon se kon đơi jêh ri ma bu ur ndrô. Pônây, Yêhôva Brah Ndu mra ăn nau ueh uĭn ma khân may tâm lĕ rngôch nau kan ti khân may ƀư.

Philip 4:17

Nây mâu di gâp ŭch ndơ ăn ôh, ƀiălah gâp ŭch play kao ntop nau hao ma khân may.

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.