Nau Hôr 19:16 - Nau Brah Ndu Ngơi 2023

¹⁶ Mbu nơm djôt prăp nau vay ntăm, mât mray huêng păng nơm, Ƀiălah mbu nơm mâu tông trong nau rêh păng mra khĭt.

Nau Hôr 19:16 ပူးပေါင်းရင်းမြစ်များ

Ndrom Samƀŭt bơh Yôp 5:2

Yorlah nau rngot rvê nkhĭt bunuyh rluk mâl, Bi nuih n'hâm tâm nach ƀư nkhĭt bunuyh mleh.

Nau Mprơ Ơm 103:18

Jêng lah ăn ma mbu nơm djôt prăp nau tâm rnglăp Păng Jêh ri kah gĭt lĕ nau vay ntăm bơh Păng gay tĭng ƀư.

Nau Hôr 13:13

Mbu nơm tâm rmot nau bu nti mra roh păng nơm, Bi ma nơm klach yơk nau vay ntăm nanê̆ mra geh nau nkhôm.

Nau Hôr 15:32

Mbu nơm dun nau ntĭm nti jêng tâm rmot ma huêng păng nơm, Ƀiălah mbu nơm iăt nau nduyh nkra dơi geh nau gĭt rbăng.

Nau Hôr 16:17

Trong bunuyh sŏng der ngai nau mhĭk; Mbu nơm mât trong păng jêng mât huêng păng nơm.

Nau Hôr 21:16

Bunuyh vĭ nhhơt bơh trong gĭt mĭn Mra gŭ tâm mpôl phung khĭt.

Nau Hôr 21:23

Mbu nơm mât mbung mpiăt păng Jêng mât huêng păng nơm klaih bơh nau rêh ni.

Nau Hôr 22:5

Tâm trong bunuyh djơh mhĭk geh lok jêh ri dăk bu sân; Mbu nơm mât njrăng huêng păng nơm mra der ngai bơh păng.

Nau Hôr 29:18

Ta ntŭk mâu geh ôh nau tâm saơ, phung ƀon lan brơl dah ŭch, Ƀiălah ueh maak ăn bunuyh blau djôt prăp nau vay!

Nau Hôr 3:1

Hơi kon gâp, lơi ta chuêl ôh nau gâp ntĭm nti, Nuih n'hâm may djôt prăp hom nau vay ntăm bơh gâp;

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Nơm Nti 8:5

Bunuyh tông nau ntrŭnh bơh hađăch mâu mra mâp nau mâu ueh, Jêh ri nuih n'hâm bunuyh blau mĭn dơi gĭt mông găl jêh ri gĭt nau ndrăp ƀư.

Yêrêmi 7:23

Ƀiălah aơ jêng nau ntăm Gâp hŏ mbơh ăn khân păng: ‘Iăt hom nau Gâp pôri Gâp mra ƀư Brah Ndu khân may jêh ri khân may mra ƀư phung ƀon lan Gâp. Nhuat tĭng hom lĕ trong Gâp nti, ma khân may, gay khân may geh nau ueh maak.’

Êsêkiêl 33:5

Yorlah păng hŏ tăng jêh bâr nŭng ƀiălah mâu ŭch njrăng ôh yor nây mham păng mra nkhŭt ta bôk păng. Ƀiălah tơlah păng iăt nau mbơh ri mơ dơi rklaih nau rêh păng nơm.

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

Luka 10:28

Brah Yêsu lah: “May plơ̆ lah di ngăn. Ƀư hom nau nây ri mơ may mra rêh.”

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Yôhan 14:15

“Lah khân may rŏng ma Gâp, khân may mra djôt prăp lĕ nau vay Gâp.

I Kôrintô 7:19

Nau koh ntâu mâu lah mâu geh koh ntâu mâu geh nau khlay ôh; nau khlay jêng djôt prăp lĕ nau vay ntăm bơh Brah Ndu.

I Yôhan 3:22

jêh ri moh ndơ he dăn, he sŏk dơn da dê, yor he tông prăp ma lĕ nau vay Păng ntăm jêh ri ƀư nau maak ma Păng.

I Yôhan 5:3

He rŏng ma Brah Ndu nâm bu ntĭt he tông prăp lĕ nau vay Păng ntăm; nau vay Păng ntăm mâu jâk jêr ôh.

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.