Nau Hôr 19:12 - Nau Brah Ndu Ngơi 2023

¹² Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Nau Hôr 19:12 ပူးပေါင်းရင်းမြစ်များ

Nau Ntơm 27:28

Dăn ma Brah Ndu ăn ma may dak ngom tă bơh trôk, Ăn nau geh jêng tă bơh neh, Rmeh ler ba ƀlê jêh ri ndrănh krăk ƀâu.

II Samuel 23:4

Păng jêng nâm bu nchrat ang ôi, tơlah ƀli luh nar, Kêng ôi mâu geh ndâr tŭk ôh; Nâm bu nau ang nchrat lah jêh mih, Ƀư ma gơ̆ nse chăt bơh neh.’

Êsther 1:12

Ƀiălah hađăch bu ur H'Vasti dun hăn tĭng nâm hađăch ntĭnh ma kôranh bu char. Yor nây, hađăch hao ji nuih ngăn.

Êsther 7:8

Tơlah hađăch tă bơh n'gar kao ngih hađăch plơ̆ sĭt lăp ma ntŭk sông sa, Y-Haman dôl chon mon ta sưng bê̆ch ntŭk H'Êsther dôl gŭ. Hađăch lah: “Tâm ngih hađăch tanăp măt gâp, mâm dĭng păng hôm janh ƀư bêk hađăch bu ur?” Nau ngơi mhe luh bơh trôm mbung hađăch, bu nkŭm muh măt Y-Haman.

Nau Mprơ Ơm 133:3

Păng jêng nâm bu dak ngom ta yôk Hermôn, Jŭr ta phung yôk Siôn. Yorlah ta nây Brah Yêhôva ăn jêh nau ueh uĭn Jêng nau rêh kŏ tât n'ho ro.

Nau Mprơ Ơm 72:6

Ăn hađăch mra jêng nâm bu dak mih tŭp tâm gơ̆ bu mhe muyh Tâm ban ma dak mih djrah lam neh ntu.

Nau Hôr 20:2

Nau hađăch ji nuih toyh nâm bu yau mŭr rđuh ngrông; Mbu nơm nsônh hađăch ji nuih jêng ƀư nau mhĭk ma nau rêh păng nơm.

Nau Hôr 28:15

Phung djơh chiă uănh phung ndĭt trơi Tâm ban yau mŭr rđuh ngrông, mâu lah kau hăn tĭng kăp mpa sa.

Nơm Nti 8:4

Nau hađăch geh nau dơi nanê̆ ngăn ngên, mbu nănh dơi ôp hađăch pô aơ: “Moh ndơ hađăch ƀư nây?”

Êsai 18:4

Yorlah nau Brah Yêhôva lah jêh ma gâp tâm ban pônây: “Bơh ntŭk Gâp dôl gŭ, Gâp mra gŭ rlăk uănh Tâm ban ma duh gring nar nchrat, Tâm ban thŭl dak ngom dôl duh nar yan rek.

Daniel 5:19

Yorlah Brah Ndu ăn nau dơi chiă uănh jêng toyh Kôranh Brah ăn jêh mbơ̆ may ma lĕ rngôch phung ƀon lan, bri dak, lĕ rngôch nau ngơi klach râm sâr da dê tanăp hađăch nây. Păng ŭch nkhĭt lơi mbu nơm păng ŭch jêh ri păng om gŭ rêh mbu nơm păng ŭch, păng ŭch n'hao mâu lah n'glưh mbu nơm păng ŭch.

Daniel 6:24

Tĭng nâm hađăch ntăm, jêh ri phung hŏ phong nchơt Y-Daniel ndrel ma ur kon khân păng bu djôt klŭp tâm ntu yau mŭr. Tơlah khân păng mâu hŏ tât tâm dâng ntu pôri yau mŭr hŏ nhŭp jêh ri hêk nkê̆ch lĕ nting khân păng.

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Mika 5:7

Phung hôm e klen bơh Y-Yakôb Mra gŭ ta nklang lĕ bri dak, Jêh ri gŭ ta nklang âk phung ƀon lan nâm bu yau mŭr gŭ ta nklang mpô mpa bri, Nâm bu kon yau mŭr gŭ ta nklang phung biăp; Lah păng hăn rgăn mra jot plên, Jêh ri kăp sa hêk mâu geh ôh nơm dơi rklaih.

Nau Vay Nkah Tay 33:28

Yorlah pônây knŏng geh du phung Israel gŭ tâm nau ueh đăp mpăn; Dak N'hor Yakôb hoch djrah an Tâm ntŭk n'gor geh ba jêh ri ndrănh, Bêng dak ngom truh tă bơh trôk.