Nau Hôr 19:11 - Nau Brah Ndu Ngơi 2023

¹¹ Nau blau mĭn bơh du huê bunuyh ƀư ăn păng băt ji nuih, Jêh ri yor nau khưm păng mâu ndăng ôh nau tih bu.

Nau Hôr 19:11 ပူးပေါင်းရင်းမြစ်များ

II Phung Hađăch 5:12

Mâu hĕ geh bar dak krong ta ƀon Damas jêng Amana jêh ri Pharpar mâu ueh lơn ma lĕ rngôch dak tâm n'gor Israel? Gâp mâu dơi hĕ ŭm tâm dak krong ta nây jêh ri jêng kloh?” Pônây, păng ndôn kơi jêh ri ji nuih hâu ngăn hăn plơ̆ sĭt.

Nau Hôr 11:13

Nơm dăng nkoch bri mpơl lĕ nau ndâp, Bi ma bunuyh khư nau rnơm nsing prăp ndâp nau kan êng păng.

Nau Hôr 12:16

Bunuyh rluk mpơl ro nuih n'hâm ji nuih, Ƀiălah bunuyh blau mĭn mƀăr lơi nau ƀư bêk prêng păng nơm.

Nau Hôr 14:29

Bunuyh băt duh nuih bêng ma nau gĭt rbăng, Ƀiălah bunuyh vay gơnh duh nuih lơ hô n'hao nau brŭt moih.

Nau Hôr 15:18

Bunuyh gơnh nuih vay nsônh nau tâm djrel, Ƀiălah bunuyh băt nuih ƀư bah nau tâm djrel.

Nau Hôr 16:32

Bunuyh băt ji nuih dơi lơn ma tahan janh, Jêh ri mbu nơm chiă uănh nuih n'hâm păng dơi lơn ma nơm pit sŏk ƀon.

Nau Hôr 17:14

Ntơm bôk nau tâm djrel nâm bu pling ntât dak; Pôri rlu hom nau tâm rlăch êlor păng geh nau tâm djrel.

Nau Hôr 20:22

Lơi lah ôh: “Gâp mra har plơng!” Gŭ kâp hom Brah Yêhôva, Păng mra rklaih may.

Nau Hôr 20:3

Bunuyh der bơh nau tâm djrel khư ma nau yơk; Knŏng phung rluk mâl mơ rduh lăp ta nây.

Nau Hôr 25:21

Tơlah phung rlăng may ji ngot, ăn păng sa hom; Tơlah păng ji hir, ăn nhêt hom;

Nau Hôr 29:11

Bunuyh rluk mpơl lĕ nau ji nuih păng nơm, Bi bunuyh blau mĭn nsrôih ât nau nuih păng.

Êphêsô 4:32

Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Yakơ 1:19

Hơi phung oh nâu gâp rŏng, khân may gĭt jêh nau aơ: Ăn lĕ rngôch bunuyh gơnh tâm iăt, ƀât ngăch ngơi, ngăch ji nuih ôh;