Nau Hôr 18:24 - Nau Brah Ndu Ngơi 2023

²⁴ Du huê bunuyh geh âk mĭt jiăng dơi jêng nau djơh mhĭk, Ƀiălah geh du huê mĭt jiăng dơh dăch rlau lơn ma oh nâu du ndŭl deh.

Nau Hôr 18:24 ပူးပေါင်းရင်းမြစ်များ

II Samuel 1:26

Y-Jônathan, hơi nâu gâp! Nuih n'hâm gâp rngot klâng yor may. May hŏ ƀư maak jêh ma gâp âk ngăn; Nau may rŏng gâp jêng khlay ngăn, Rlau lơn ma nau rŏng phung bu ur.

II Samuel 15:21

Ƀiălah Y-Itai lah ma hađăch: “Tĭng nâm Brah Yêhôva gŭ rêh mro mrăng jêh ri hađăch jêng kôranh gâp gŭ rêh, hađăch jêng kôranh gâp mra gŭ ta ntŭk, nđâp lah tâm nau rêh mâu lah tâm nau khĭt, oh mon hađăch mra gŭ ta nây tâm ban lĕ.”

II Samuel 16:17

Y-Apsalôm ôp Y-Husai: “Aơ jêng nau may mpơl nuih n'hâm răp jăp đah mĭt jiăng may ƀơh? Mâm ƀư may mâu hăn ôh ndrel ma mĭt jiăng may?”

II Samuel 21:7

Y-Đavit om Y-Mêphibôset, kon bu klâu Y-Jônathan, sau Y-Sôl, yor nau sơm ton tâm ton Y-Đavit đah Y-Jônathan, kon bu klâu Y-Sôl, hŏ ƀư nau tâm rnglăp tanăp măt Brah Yêhôva.

Nau Hôr 17:17

Mĭt jiăng tâm rŏng ndrel ƀaƀơ, Jêh ri geh oh nâu gay tâm kơl dôl geh nau rêh ni.

Nau Hôr 27:10

Lơi ta chalơi mĭt jiăng may mâu lah mĭt jiăng mbơ̆ may; Tâm nar uh ah, lơi hăn tât ta ngih oh nâu may, Yor oh nâu gŭ ngai Mâu ban ôh đah oh nâu chiau meng gŭ dăch.

Nau Hôr 27:9

Dak ƀâu kah jêh ri ndơ ƀâu kah ƀư răm maak nuih n'hâm bunuyh, Nau nkah tă tâm nuih n'hâm mĭt jiăng ăt rdơ̆ rbăn nâm bu pônây đŏng.

I Samuel 18:1

Y-Đavit ngơi đah Y-Sôl lôch jêh, nuih n'hâm Y-Jônathan tâm lăp đah nuih n'hâm Y-Đavit, kŏ tât Y-Jônathan rŏng ma Y-Đavit nâm bu nau rêh păng nơm.

I Samuel 18:3

Y-Jônathan ƀư nau tâm rnglăp đah Y-Đavit, yorlah păng rŏng ma Y-Đavit nâm bu nau rêh păng nơm.