Nau Hôr 18:18 - Nau Brah Ndu Ngơi 2023

¹⁸ Nau sŏk nchroh dơi ƀư ăn lôch nau tâm rlăch Jêh ri rblang ta nklang phung geh nau dơi toyh.

Nau Hôr 18:18 ပူးပေါင်းရင်းမြစ်များ

I Nau Rêh Jêng 24:31

Tâm ban đŏng phung oh nâu khân păng, jêng phung kon sau Y-Arôn, khân păng nchroh n'hôr tanăp hađăch Đavit, Y-Sadôk, Y-Ahimêlek, jêh ri tanăp phung kôranh tâm noi deh phung kôranh ƀư brah jêh ri phung Lêvi. Kôranh tâm noi deh tâm ban đŏng oh mpô̆t khân păng dơi nchroh n'hôr da dê.

I Nau Rêh Jêng 6:63

Ma phung kon sau Mêrari, tĭng nâm ăp ndŭl mpôl khân păng, nchroh n'hôr jêh ri dơn jât ma bar rplay ƀon bơh phung ndŭl mpôl Ruben, Gat, jêh ri Sabulôn.

Nêhêmi 11:1

Phung kôranh chiă uănh tâm phung ƀon lan gŭ ta ƀon Yêrusalem jêh ri phung ƀon lan hôm e tâm nchroh gay tâm phung jât nuyh geh du huê nuyh gŭ ta ƀon Yêrusalem jêng ƀon kloh ueh, bi sĭn nuyh ri gŭ tâm lĕ ƀon êng êng.

Nau Hôr 16:33

Bu rhuăt nau tâm nchroh tâm ntôr ao, Ƀiălah ăp nau ton ƀư bơh Brah Yêhôva.

Nau Hôr 18:17

Mpeh nơm ngơi lor kơp păng nơm ngơi jêng di, Ƀiălah mpeh đah ri tât bu ôp n'hêl ri mơ rah vah tih di.

Nau Hôr 18:19

Sŏk tay nuih n'hâm du huê oh nâu bu hŏ ƀư nsak jêh nuih n'hâm, Jêng jêr lơn lơh pit in du ƀon toyh lĕ nâp; Nau tâm djrel pônây tâm ban rnăng mpông nchăng pôih toyh.

Yôsuê 14:2

Khân păng nchroh n'hôr gay tâm pă drăp ndơn nây ăn ma sĭn ndŭl mpôl jêh ri du n'gul ndŭl mpôl di nâm Brah Yêhôva ntăm jêh ma Y-Môis.

I Samuel 14:41

Y-Sôl ngơi ma Brah Yêhôva: “Ơ, Yêhôva Brah Ndu phung Israel! Ăn nau mpơl nau nanê̆.” Bi Y-Jônathan jêh ri ma Y-Sôl, ƀiălah phung ƀon lan klaih.

I Samuel 14:42

Y-Sôl lah: “Ƀư nau nchroh ta nklang gâp jêh ri Y-Jônathan, kon bu klâu gâp.” Jêh ri nau nchroh di ma Y-Jônathan.