Nau Hôr 18:10 - Nau Brah Ndu Ngơi 2023

¹⁰ Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Nau Hôr 18:10 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 32:11

Ơ Brah Ndu, dăn rklaih an kon bơh ti Y-Êsau, nâu gâp, yorlah gâp klach păng mra văch nkhĭt gâp nđâp ma ur jêh ri phung kon gâp đŏng.

II Samuel 22:2

“Brah Yêhôva jêng lŭ toyh, jêh ri pôih nâp gâp, Jêh ri Nơm tâm rklaih gâp.

II Samuel 22:3

Brah Ndu gâp jêng lŭ toyh gâp, jêng ntŭk gâp gŭ krap, Jêng khêl jêh ri jêng nke ma nau tâm rklaih gâp, Jêng pôih nâp jêh ri ntŭk gâp gŭ krap, Nơm tâm rklaih gâp ăn gâp rklaih tă bơh phung djơh mhĭk.

II Samuel 22:51

Brah Yêhôva ăn nau tâm rklaih toyh ma hađăch Păng săch jêh, Jêh ri tâm mpơl nau ueh ma nơm Păng tŏ jêh dak ƀâu kah, Jêng Y-Đavit jêh ri ma noi deh păng kŏ tât ƀaƀơ n'ho ro.”

Nau Mprơ Ơm 144:2

May jêng Nơm geh nau ueh jêh ri pôih nâp ma gâp, Jêng ntŭk gâp krap jêh ri Nơm tâm rklaih gâp, Jêng khêl ma gâp jêh ri ntŭk gâp gŭ krap; May ƀư ăn phung mpôl băl lăp gŭ tâm dâng gâp.

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 20:2

Bơh ntŭk kloh ueh, dăn Păng yơr ti kơl hađăch Bơh Siôn dăn Kôranh Brah kơl rdâng hađăch!

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 91:14

Yorlah păng rŏng ma Gâp yor nây Gâp mra tâm rklaih păng; Gâp mra king n'gang păng yorlah păng gĭt năl amoh Gâp.

Nau Mprơ Ơm 91:2

Gâp mra lah ma Brah Yêhôva pô aơ: “May jêng ntŭk nde krap jêh ri jêng pôih nâp ma gâp; Ăt jêng Brah Ndu gâp, gâp rnơm nsing tâm May.”

Nau Ngluh Êjipt 6:3

Gâp hŏ tâm mpơl jêh ma Y-Abraham, Y-Isăk, jêh ri ma Y-Yakôb nhhơ Gâp nơm jêng Brah Ndu Geh Lĕ Nau Brah; ƀiălah Gâp ê hŏ mpơl ôh ma khân păng gĭt tâm amoh Gâp jêng Brah Yêhôva.

Nau Hôr 14:26

Tâm nau klach yơk ma Brah Yêhôva geh ntŭk rnơm nsing nâp ngăn, Jêh ri phung jêng kon Păng mra dơi geh du ntŭk gŭ krap.

Nau Hôr 29:25

Rvê klach kon bunuyh jêng du mlâm dăk sân, Ƀiălah mbu nơm nsing ma Brah Yêhôva mơ dơi geh nau mpăn.

Êsai 26:4

Rnơm nsing hom ma Brah Yêhôva ƀaƀơ n'ho ro, Yorlah Brah Yêhôva, Brah Yêhôva nơm, Jêng lŭ toyh ma lĕ rngôch rnôk rô̆!

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Habakuk 3:19

Kôranh Brah Yêhôva jêng nau dăng gâp, Păng ƀư ma jâng gâp nâm bu jâng jun, Kơl gâp chuat hăn ta klơ yôk prêh. (Nchih ma bunuyh gai phung mprơ jêh ri phung kreh gong rêng)

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Nau Tâm Mpơl 1:8

Kôranh Brah jêng Brah Ndu, NƠM AɃAƠ AƠ, HŎ GEH JÊH RI DÔL VĂCH, jêng Nơm Geh Lĕ Nau Brah lah pô aơ: “Gâp jêng Alpha jêh ri Ômêga.”

I Samuel 17:45

Y-Đavit lah ma bu klâu Philistin: “May văch ma gâp ma đao, tak, jêh ri tak keng. Bi gâp, gâp hăn ma may tâm amoh Brah Yêhôva ma phung tahan, jêng Brah Ndu ma phung tahan Israel may hŏ rlong nuih jêh.

I Samuel 30:6

Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.