Nau Hôr 17:5 - Nau Brah Ndu Ngơi 2023

⁵ Mbu nơm mưch bunuyh ndĭt trơi jêng suai rak ma Nơm Rhăk Njêng păng; Mbu nơm maak răm ma nau rêh ni mâu mra klaih ôh bơh nau tâm rmal.

Nau Hôr 17:5 ပူးပေါင်းရင်းမြစ်များ

Ndrom Samƀŭt bơh Yôp 31:29

Hŏ geh gâp răm maak nôk phung tâm rmot ma gâp geh nau rêh ni, Jêh ri răm rhơn lah geh nau mhĭk tât ma păng;

Nau Mprơ Ơm 69:9

Yorlah nau duh nđơr ma Ngih May su lơi gâp, Nau bêk prêng phung bêk prêng May hŏ nkhŭt jêh tâm gâp.

Nau Hôr 14:21

Mbu nơm tâm rmot ma phung chiau meng jêng tih, Bi ma nơm yô̆ nđach ma phung o ach geh nau ueh maak ngăn.

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nau Hôr 16:5

Brah Yêhôva tâm rmot ăp nơm geh nuih n'hâm sưr, N'hêl nanê̆ păng mâu mra klaih ôh bơh nau tâm rmal.

Yêrêmi 17:16

Bi ma gâp, gâp mâu gơnh chalơi ôh nau pah kan rmăk biăp ƀiălah tĭng May yơh. May gĭt, gâp mâu kâp gân ôh nau mhĭk tât. Nau ngơi luh ta bơh bâr mbung gâp Gŭ tanăp măt May da dê.

Êsêkiêl 25:3

May lah hom ma phung kon sau Ammôn: ‘Iăt hom nau Brah Yêhôva. Kôranh Brah Yêhôva lah pô aơ yorlah may lah: “Ha ha!” ma ntŭk kloh ueh Gâp tơlah păng ƀư ƀơ̆, ma bri neh Israel tơlah bu ƀư păng jêng rngol jêh ri ngih Yuđa tơlah bu nhŭp njŭn păng jêng bu nă;

Apdia 1:10

Yor nau djơh mhĭk may hŏ ƀư jêh ma oh nâu may Y-Yakôb Nau prêng mra nkŭm may jêh ri bu mra ƀư rai may ƀaƀơ n'ho ro!

Apdia 1:16

Di ngăn, mâm nau khân may hŏ nhêt jêh ta yôk kloh ueh Gâp Pôri lĕ rngôch bri dak mra nhêt kơt nây; Di ngăn, khân păng mra nhêt jêh ri rvăn ro Jêh nây khân păng mra tâm ban ma ê hŏ mâp geh ôh!

Samƀŭt Pôl Njuăl Ăn Ma Phung Nsing Ta Ƀon Rôm 12:15

Maak hom đah phung maak, nhĭm đah phung nhĭm.

I Yôhan 3:17

Tơlah mbu nơm geh drăp ndơ tâm rnôk aơ, saơ oh nâu păng nơm gŭ tâm nau pưt kƀah ƀiălah mâu geh nuih n'hâm rŏng, mâm ƀư nau Brah Ndu rŏng dơi gŭ tâm bunuyh nây?