Nau Hôr 17:15 - Nau Brah Ndu Ngơi 2023

¹⁵ Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Nau Hôr 17:15 ပူးပေါင်းရင်းမြစ်များ

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

Nau Mprơ Ơm 94:21

Khân păng tâm rgum gay ƀư mhĭk ma nau rêh bunuyh sŏng srăng Jêh ri tâm rmal nkhĭt phung mâu geh nau tih.

Nau Ngluh Êjipt 23:7

Ăn kon der ngai đah lĕ nau ngơi nklă jêh ri lơi ta nkhĭt ôh bunuyh mâu geh nau tih mâu lah nơm sŏng srăng, yorlah Gâp mâu mra kơp ôh nau sŏng srăng ma nơm djơh mhĭk.

Nau Hôr 11:1

Brah Yêhôva rmot ngăn ma njing tih, Ƀiălah Păng maak ma play njing di.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 17:26

Kuh lah bunuyh sŏng srăng jêng mâu di, Lơh bunuyh khư nau yơk yorlah nuih n'hâm sŏng khân păng jêng tih jêh.

Nau Hôr 18:5

Gŭ mpeh phung ƀai gay ma tŭn jot bunuyh sŏng srăng dôl phat dôih Jêng nau mâu di,

Nau Hôr 31:5

Klach lah nôk nhêt nhŭl, khân păng chuêl nau vay ntăm, Ƀiălah hăn rlơ̆ đah nau di ăn phung rêh ni.

Nau Hôr 6:16

Geh prao ntil Yêhôva ji nuih Jêh ri pơh ntil păng tâm rmot:

Êsai 5:20

Rêh ni ngăn ma phung rnha ntơ nau mhĭk jêng ueh, Lah nau ueh jêng mhĭk; Sŏk nau ngo jêng nau ang, Sŏk nau ang jêng nau ngo; Sŏk nau tăng jêng nau njŭng, Sŏk nau njŭng jêng nau tăng.

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Nau Nhĭm Vơl 3:35

Gay ƀư kue nau di ma du huê bunuyh Tanăp Nơm Dŭt Prêh,

Êsêkiêl 13:19

Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Amôt 5:12

Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Amôt 5:7

Khân may rgâl nau sŏng luh jêng nau tăng Jêh ri mƀăr nau sŏng srăng ta neh!

Amôt 6:12

Geh lĕ bu ăn seh nchuăt ta klơ? Geh đŏng bu leo ndrôk kai lŭ nây? Ƀiălah khân may hŏ rgâl nau sŏng rlơ̆ jêng nkhơng dak si kăch, Jêh ri rgâl play sŏng srăng jêng nau rngot ngăn ngên.

Samƀŭt Pôl Njuăl Ăn Ma Phung Nsing Ta Ƀon Rôm 4:5

bi ma phung mâu ƀư pah kan, ƀiălah chroh ma Nơm kơp sŏng srăng ma bunuyh tih, nau păng chroh dơi kơp jêng sŏng srăng.

Nau Vay Nkah Tay 25:1

“Lah lĕ bar đah geh nau tâm rlăch jêh ri khân păng hăn ma nau phat dôih pôri phung kôranh phat dôih mra ngơi an dôih ma khân păng: Mbơh nau sŏng srăng ma bunuyh geh nau sŏng srăng jêh ri mbơh nau tih ma bunuyh geh nau tih.

Yakơ 5:6

khân may tâm rmal jêh ri nkhĭt jêh phung sŏng srăng, ƀiălah păng mâu tâm rdâng đah khân may ôh.