Nau Hôr 16:6 - Nau Brah Ndu Ngơi 2023

⁶ Ma nau ueh jêh ri ma nau nanê̆ ngăn nau tih dơi yô̆ an, Yor ma nau klach yơk ma Brah Yêhôva bu der bơh nau mhĭk.

Nau Hôr 16:6 ပူးပေါင်းရင်းမြစ်များ

Nau Ntơm 20:11

Y-Abraham ơh: “Gâp ƀư pônây, yor gâp mĭn tâm n'gor aơ mâu mâp geh ôh bunuyh klach yơk ma Brah Ndu. Klăp lah khân păng mra nkhĭt gâp yor ur gâp.

Nêhêmi 5:15

Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Nêhêmi 5:9

Gâp lah tay: “Nau khân may ƀư mâu geh ueh ôh. Di lah khân may gŭ tâm nau klach yơk ma Brah Ndu, gay lơi ăn phung rlăng ƀư bêk prêng he?

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 85:10

Nau yô̆ nđach jêh ri nau nanê̆ ngăn tâm mâp ndrel jêh; Nau sŏng srăng jêh ri nau đăp mpăn hŏ tâm chŭm jêh.

Nau Ngluh Êjipt 1:17

Ƀiălah phung bu ur mât deh klach yơk ma Brah Ndu, mâu ƀư ôh tĭng nâm nau hađăch Êjipt ntăm, hôm om phung kon bu klâu ăn rêh.

Nau Ngluh Êjipt 20:20

Y-Môis lah ma phung ƀon lan: “Lơi klach ôh, yorlah Brah Ndu jŭr gay rlong uănh nuih n'hâm khân may, gay ma khân may klach yơk ma Păng ƀaƀơ, pônây khân may mâu ƀư tih ôh.”

Nau Hôr 14:16

Bunuyh blau mĭn klach nau mhĭk jêh ri der ngai, Ƀiălah bunuyh rluk ƀư sưr jêh ri mâu ôh blau njrăng.

Nau Hôr 14:2

Bunuyh gŭ rêh tâm nau di klach yơk ma Brah Yêhôva, Bi ma nơm tĭng trong kue mưch rmot Păng.

Nau Hôr 14:27

Nau klach yơk ma Brah Yêhôva jêng tu dak nau rêh, Kơl kon bunuyh der bơh dăk nau khĭt.

Nau Hôr 16:5

Brah Yêhôva tâm rmot ăp nơm geh nuih n'hâm sưr, N'hêl nanê̆ păng mâu mra klaih ôh bơh nau tâm rmal.

Nau Hôr 20:28

Nau ueh jêh ri nau nanê̆ ngăn king hađăch; Hađăch sŏk nuih n'hâm ueh tâm kơl sưng hađăch bri dak păng.

Nau Hôr 3:3

Lơi ta ăn nau ueh jêh ri nau nanê̆ ngăn chalơi may; Văn hom păng ta trô ko may, Nchih păng tâm trôm nuih n'hâm may.

Nau Hôr 3:7

Lơi ta kơp nau blau mĭn tĭng măt may nơm ôh; Klach yơk hom ma Brah Yêhôva jêh ri du hom bơh nau mhĭk.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Daniel 4:24

Ơ hađăch, aơ jêng nau rblang jêh ri jêng nau dôih bơh Nơm Dŭt Prêh ntăm mra tât ma hađăch jêng kôranh gâp:

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Kan Lêvi 25:17

Lơi tâm ndơm ndrăng khân may nơm ôh, ƀiălah ăn khân may klach yơk ma Brah Ndu khân may, yorlah Gâp jêng Yêhôva Brah Ndu khân may.

Luka 11:41

Ƀiălah mpơl hom nuih n'hâm tâm kơl moh ndơ may geh, pôri lĕ rngôch ndơ mra jêng kloh rsang ma khân may.

Yôhan 15:2

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Kôranh Oh Mon 15:9

Păng mâu tâm nkhah phung he đah phung bu năch jêng êng êng ôh, ƀiălah Păng ƀư kloh nuih n'hâm khân păng ma nau chroh.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Êphêsô 5:21

Yor klach yơk ma Brah Krist, tâm tông hom ndrăng nơm.

Nau Vay Nkah Tay 30:13

Păng mâu lĕ gŭ kơh tê̆ dak mƀŭt gay khân may ôp: ‘Mbu mra hăn rgăn kơh tê̆ dak mƀŭt jêh ri djôt leo păng sĭt ma hên, gay ma hên dơi tăng jêh ri tĭng kơt?’

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.