Nau Hôr 16:24 - Nau Brah Ndu Ngơi 2023

²⁴ Nau ngơi ueh jêng nâm bu mpơng sŭt, Kah njŭng ăn ma huêng jêh ri nau dăng ktang ma săk jăn.

Nau Hôr 16:24 ပူးပေါင်းရင်းမြစ်များ

Nau Mprơ Ơm 119:103

Nau May ngơi jêng njŭng mpiăt gâp hâu ngăn! Nanê̆ njŭng lơn ma dak sŭt tâm trôm mbung gâp!

Nau Mprơ Ơm 19:10

Lĕ nau nây khlay lơn ma mah, Nanê̆ ngăn khlay lơn ma mah chrêk; Njŭng lơn ma dak sŭt, Ngăn yơh njŭng lơn ma mpơng dak sŭt.

Nau Hôr 12:18

Nau ngơi mâu njrăng ôh jêng nâm bu ntâp ma đao, Ƀiălah mpiăt phung blau mĭn jêng djôt nau blau ƀư bah.

Nau Hôr 15:23

Mbung blau plơ̆ lah ƀư ăn bu răm maak, Nau ngơi di mông jêng ueh ngăn ngên!

Nau Hôr 15:26

Nau mĭn djơh mhĭk jêng nau tâm rmot đah Brah Yêhôva, Ƀiălah nau kloh ueh dơi ƀư ueh nuih n'hâm Păng.

Nau Hôr 17:22

Nuih n'hâm hâk răm jêng du ntil dak si ueh, Bi nau rdja nuih ƀư ăn nting sơh kro.

Nau Hôr 23:16

Di ngăn, tâm nuih n'hâm gâp mra răm rhơn Lah mbung may ngơi nau sŏng.

Nau Hôr 27:9

Dak ƀâu kah jêh ri ndơ ƀâu kah ƀư răm maak nuih n'hâm bunuyh, Nau nkah tă tâm nuih n'hâm mĭt jiăng ăt rdơ̆ rbăn nâm bu pônây đŏng.

Nau Hôr 3:8

Pônây klŏ may mra dơi bah Jêh ri nting may dơi dăng.

Nau Hôr 4:22

Yorlah nau nây jêng nau rêh ma mbu nơm dơi joi păng, Jêng nau dăng ktang ma lĕ săk jăn khân păng.

Nơm Nti 12:10

Kôranh nơm ti rgum tay lĕ nau ngơi di mĭn ueh, jêh ri lĕ nau hŏ geh nchih jêng nau di jêh ri nau nanê̆ ngăn da dê.

Nau Mprơ Ueh 4:11

Hơi ƀăn gâp, trôm mbung ay ăn truh dak sŭk, Tâm dâng mpiăt ay pôn dak sŭt jêh dak toh; Ao ay n'hôl nâm bu ƀâu bri Liban.

Yêrêmi 15:16

Mâp geh nau May ngơi, gâp hŏ sa rvăn jêh; Nau May ngơi jêng nau răm maak, hâk maak ma nuih n'hâm gâp; Yorlah gâp dơi ntơ ma amoh May, Ơ Yêhôva Brah Yêhôva ma phung tahan.

Nau Vay Nkah Tay 32:2

Nau gâp ntĭm nti tŭp tâm ban ma dak mih, Nau gâp ngơi truh tâm ban ma dak ngom, Tâm ban ma dak mih djrah ta klơ gơ̆ nse, Nâm bu mih ntâng tâm mir.

Nau Tâm Mpơl 10:10

Gâp sŏk ndrom samƀŭt jê̆ tă bơh ti tông mpăr jêh ri gâp sa. Păng njŭng nâm bu dak sŭt tâm mbung gâp; ƀiălah nôk gâp sa jêh, geh tăng tâm ndŭl gâp.