Nau Hôr 16:21 - Nau Brah Ndu Ngơi 2023

²¹ Bunuyh geh nuih n'hâm blau mĭn bu kuăl jêng bunuyh gĭt rbăng, Nau ngơi rdơ̆ sâm n'hao nau blau mĭn.

Nau Hôr 16:21 ပူးပေါင်းရင်းမြစ်များ

I Phung Hađăch 3:12

rĭ dĭng Gâp ƀư tĭng nau may dăn. Gâp ăn ma may nuih n'hâm gĭt mĭn jêh ri gĭt rbăng, kŏ tât mâu hŏ geh ôh du huê bunuyh panăp may tâm ban ma may jêh ri pakơi may mâu mra geh bunuyh dơi ban may ôh.

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Nau Hôr 10:13

Nau blau mĭn bu saơ ta bâr mbung bunuyh gĭt vât, Ƀiălah mâng rpăt prăp ăn ma ndŭr kơi phung rluk mâl.

Nau Hôr 10:23

Phung rluk uănh nau ƀư tih nâm bu nau pâl maak, Ƀiălah bunuyh gĭt rbăng ŭch rŏng ma nau blau mĭn.

Nau Hôr 10:8

Nuih n'hâm blau mĭn mra sŏk dơn nau vay ntăm, Ƀiălah bâr mbung nơm rluk mra rai lôch.

Nau Hôr 15:7

Bâr mbung bunuyh blau mĭn ăn bĭk nau gĭt rbăng, Bi nuih n'hâm phung rluk mâu dơi nâm bu pônây ôh.

Nau Hôr 16:22

Bunuyh dơi geh nau gĭt rbăng jêng dơi geh tu nau rêh, Ƀiălah nau brŭt ndrăng jêng nau tâm rmal ma phung rluk.

Nau Hôr 23:15

Hơi kon gâp, tơlah nuih n'hâm may blau mĭn, Pôri nuih n'hâm gâp mra răm maak đŏng;

Nau Hôr 27:9

Dak ƀâu kah jêh ri ndơ ƀâu kah ƀư răm maak nuih n'hâm bunuyh, Nau nkah tă tâm nuih n'hâm mĭt jiăng ăt rdơ̆ rbăn nâm bu pônây đŏng.

Nơm Nti 12:10

Kôranh nơm ti rgum tay lĕ nau ngơi di mĭn ueh, jêh ri lĕ nau hŏ geh nchih jêng nau di jêh ri nau nanê̆ ngăn da dê.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Luka 4:22

Lĕ rngôch mbơh nkoch ueh ma Păng da dê, jêh ri hih rhâl ma lĕ nau ngơi bêng nau yô̆ luh bơh bâr mbung Păng. Khân păng ôp: “Mâu di hĕ bunuyh aơ jêng kon Y-Yôsep?”

Yôhan 7:46

Phung kôranh aơ plơ̆ lah: “Ê hŏ mâp geh bunuyh ngơi tâm ban ma bunuyh aơ.”

Samƀŭt Pôl Njuăl Ăn Ma Phung Nsing Ta Ƀon Rôm 16:19

Lĕ rngôch bunuyh gĭt jêh ma nuih n'hâm khân may tông bâr; yor ri, gâp răm maak ma khân may, ŭch ma khân may geh nau blau mĭn ma nau ueh jêh ri ăn kloh ma nau mhĭk.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.