Nau Hôr 16:2 - Nau Brah Ndu Ngơi 2023

² Lĕ rngôch trong kon bunuyh jêng kloh rsang da dê tĭng măt păng nơm, Ƀiălah Brah Yêhôva mêt uănh tâm nuih n'hâm.

Nau Hôr 16:2 ပူးပေါင်းရင်းမြစ်များ

Nau Mprơ Ơm 36:2

Yorlah păng n'gơr n'hao êng păng nơm pô aơ, Nau tih păng mâu mra mpơl jêh ri mâu geh bunuyh tâm rmot ma păng ôh.

Nau Hôr 12:15

Trong bơh phung rluk jêng sŏng tĭng măt păng nơm, Ƀiălah bunuyh blau mĭn kâp iăt nau ntĭm nti.

Nau Hôr 16:25

Geh du trong ntôn lah nâm bu di ăn ma kon bunuyh, Ƀiălah nglĕ dŭt păng jêng trong nau khĭt.

Nau Hôr 17:3

Glah gay krĕt prăk, năk gay krĕt mah, Ƀiălah Brah Yêhôva rlong uănh nuih n'hâm kon bunuyh.

Nau Hôr 21:2

Lĕ rngôch trong bơh kon bunuyh sŏng da dê tĭng măt păng nơm, Ƀiălah Brah Yêhôva mêt uănh nuih n'hâm.

Nau Hôr 24:12

Tơlah may lah: “Ri, hên mâu gĭt ôh nau aơ,” Pôri Nơm njing nuih n'hâm may mâu di hĕ sek uănh lĕ nau nây? Jêh ri Nơm mât mray huêng may mâm dĭng mâu gĭt? Păng mra mplơ̆ ma ăp nơm tĭng nâm moh kan khân păng ƀư?

Nau Hôr 30:12

Geh phung bunuyh mĭn păng nơm kloh rsang, Ƀiălah mâu hŏ rao kloh nau ƀơ̆ ƀơch păng.

Nau Hôr 5:21

Yorlah lĕ trong kon bunuyh hăn gŭ panăp măt Brah Yêhôva, Păng rli lâng lĕ rngôch trong hăn khân păng.

Êsai 26:7

Trong phung sŏng srăng jêng trong di; Ơ Nơm Sŏng Srăng, dăn May ƀư ăn lâng trong phung sŏng srăng.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Daniel 5:27

Têkel jêng: Hađăch bu hŏ dơm jêh ta klơ njing jêh ri saơ djê̆ mâu tŏng.

Nau Kơp Bunuyh 22:32

Tông mpăr Brah Yêhôva ôp: “Mâm may dong seh bri me may pe tơ̆ jêh? Aơ, gâp hăn luh gay buay may, yorlah gâp saơ may hăn tĭng trong tih mhĭk.

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk:

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

Phung Kôranh Phat Dôih 17:6

Tâm rnôk nây, tâm n'gor Israel mâu geh ôh hađăch, lĕ rngôch bunuyh ăt ƀư tĭng nâm păng mĭn di.

Phung Kôranh Phat Dôih 7:6

Rnoh bunuyh chuah dak tâm ti jêh nây sŏk trôm mbung huch geh pe rhiăng nuyh; ƀiălah lĕ phung ƀon lan êng chon kômâk kŭnh gay nhêt dak.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.