Nau Hôr 16:15 - Nau Brah Ndu Ngơi 2023

¹⁵ Măt hađăch ang nchrat, sol ang nau rêh; Nau yô̆ păng nâm bu tŭk leo tơm mih yan kao.

Nau Hôr 16:15 ပူးပေါင်းရင်းမြစ်များ

Nau Mprơ Ơm 21:6

May ăn ma păng nau ueh lăng ƀaƀơ n'ho ro; Nau Kôranh Brah gŭ ndrel ƀư ma păng hâk răm, răm maak.

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Nau Mprơ Ơm 4:6

Âk bunuyh lah: “Mbu nơm mra ăn ma hên saơ nau ueh maak?” Ơ Brah Yêhôva, dăn nau ang muh măt May sol ta hên!

Nau Mprơ Ơm 72:6

Ăn hađăch mra jêng nâm bu dak mih tŭp tâm gơ̆ bu mhe muyh Tâm ban ma dak mih djrah lam neh ntu.

Nau Hôr 16:14

Nau hađăch ji nuih nâm bu nơm mbơh nau khĭt. Ƀiălah bunuyh blau mĭn ƀư ma păng aih jêh.

Nau Hôr 19:12

Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Nau Hôr 29:26

Âk bunuyh tĭng joi nau yô̆ bơh phung kôranh chiă uănh, Ƀiălah nau di ăn kon bunuyh tă bơh Brah Yêhôva.

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Sakari 10:1

Dăn hom ma Brah Yêhôva ăn dak mih yan nglĕ dŭt, Brah Yêhôva mra ƀư nglaih lơp, Jêh ri ăn dak mih âk rmeh, Gay ma ăp nuyh dơi geh biăp n'ha tâm mir.

Kôranh Oh Mon 2:28

May hŏ ăn gâp gĭt trong nau rêh, Mra ƀư ăn gâp bêng ler ma nau răm maak tanăp May.’