Nau Hôr 15:9 - Nau Brah Ndu Ngơi 2023

⁹ Brah Yêhôva tâm rmot trong phung mhĭk, Ƀiălah Păng rŏng ma bunuyh tĭng joi nau sŏng srăng.

Nau Hôr 15:9 ပူးပေါင်းရင်းမြစ်များ

Nau Mprơ Ơm 1:6

Yorlah Brah Yêhôva gĭt trong phung sŏng srăng, Ƀiălah trong bunuyh mhĭk mra rai yot.

Nau Mprơ Ơm 11:7

Yorlah Brah Yêhôva jêng sŏng srăng, Păng rŏng ma nau di, Phung bunuyh sŏng mra saơ muh măt Păng.

Nau Mprơ Ơm 139:24

Rlong uănh gâp gĭt lah geh nau mhĭk mâu lah mâu, Jêh ri sâm njŭn leo gâp tâm trong n'ho ro.

Nau Mprơ Ơm 5:5

Bunuyh sưr rlau mâu dơi dâk ôh tanăp măt May; Kôranh Brah tâm rmot ma lĕ rngôch phung ƀư nau mhĭk.

Nau Hôr 15:10

Nau rmal dŭt jâk prăp ma phung chalơi trong sŏng, Bi ma phung rmot nau nduyh nkra mra khĭt.

Nau Hôr 21:21

Mbu nơm tĭng joi nau sŏng srăng jêh ri nau ueh Mra dơi joi nau rêh, nau sŏng srăng jêh ri nau yơk.

Nau Hôr 21:4

Măt n'hao êng nơm, nuih n'hâm sưr rlau, Jêh ri ŭnh kađen phung mhĭk jêng nau tih da dê.

Nau Hôr 21:8

Trong bunuyh ƀư tih jêng kue kuăt, Ƀiălah kan bunuyh kloh rsang jêng sŏng.

Nau Hôr 4:19

Bi ma trong phung djơh mhĭk bêng ma nau ngo klĕng; Khân păng mâu gĭt ôh păng nơm chêh prah moh yor!

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Êsai 26:7

Trong phung sŏng srăng jêng trong di; Ơ Nơm Sŏng Srăng, dăn May ƀư ăn lâng trong phung sŏng srăng.

Êsai 51:1

“Ơ phung tĭng joi nau sŏng srăng, Jêng phung tĭng joi Brah Yêhôva, iăt hom Gâp! Uănh hom ma lŭ toyh tă bơh ntŭk nây yơh khân may lôk, Jêh ri ma ntu lŭ jru tă bơh ntŭk nây yơh ntŭk khân may kuyh!

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Yêrêmi 44:4

Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Habakuk 1:13

Măt Kôranh Brah kloh ir mâu dơi uănh ôh nau mhĭk, Mâu dơi uănh ntreng ôh nau tih mhĭk. Mâm ƀư May uănh ma phung ƀư nau mƀruh nchơt? Mâm ƀư May gŭ klăk klêm, Lah bunuyh mhĭk sa rvăn bunuyh sŏng srăng lơn ma păng?

Mathay 7:13

Lăp hom tâm mpông huêt, yorlah mpông huy jêh ri trong toyh njŭn leo ma nau rai yot, jêh ri geh âk bunuyh lăp ta trong nây.

Nau Vay Nkah Tay 7:13

Păng mra rŏng ma khân may, ăn nau ueh uĭn ma khân may, ƀư ma rnoh bunuyh khân may bĭk rơ̆. Păng mra ăn nau ƀŭn lap ma noi deh khân may, ma play bơh neh khân may, ba khân may, ndrănh jêh ri dak ngi khân may, ma mpôl ndrôk jêh ri ma mpôl seh bri khân may bĭk rơ̆, tâm n'gor Păng ton jêh ma phung chô yau khân may mra ăn ma khân may.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

II Timôthê 2:22

May der ngai hom lĕ nau kơnh phung druh ndăm ŭch, jêh ri tĭng joi nau sŏng srăng, nau chroh, nau rŏng, nau đăp mpăn ndrel ma phung kuăl mbơh sơm ma Kôranh Brah ma nuih n'hâm kloh.