Nau Hôr 15:8 - Nau Brah Ndu Ngơi 2023

⁸ Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 15:8 ပူးပေါင်းရင်းမြစ်များ

II Samuel 15:12

Dôl Y-Apsalôm nhhơr mpa ƀư brah, păng prơh bu hăn jă Y-Ahitôpel, bunuyh Gilô, jêng nơm nchră ma Y-Đavit, văch bơh Gilô. Nau tâm rdâng nây lơ hâu ktang lơn, jêh ri rnoh bunuyh phung ƀon lan tĭng ndô̆ Y-Apsalôm jêng lơ hâu âk.

I Phung Hađăch 3:10

Brah Yêhôva di nuih yor Y-Salômôn hŏ dăn nau nây.

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Nau Mprơ Ơm 17:1

Ơ Brah Yêhôva! Dăn gŭ iăt jêh ri sek uănh nau sŏng srăng ma gâp; Gŭ iăt nau gâp nter; Dăn rkêng tôr ma nau gâp mbơh sơm, Tă bơh bâr mbung mâu geh nau ndơm ôh.

Nau Hôr 10:24

Moh ntil ndơ phung ƀai klach mra tât ma khân păng, Ƀiălah ntil ndơ phung sŏng srăng ŭch mra dơi ăn geh.

Nau Hôr 15:29

Brah Yêhôva gŭ ngai phung ƀai, Ƀiălah Păng iăt nau mbơh sơm bơh phung sŏng srăng.

Nau Hôr 15:7

Bâr mbung bunuyh blau mĭn ăn bĭk nau gĭt rbăng, Bi nuih n'hâm phung rluk mâu dơi nâm bu pônây ôh.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Nau Hôr 21:3

Ƀư tĭng nau sŏng srăng jêh ri nau di Dơi ƀư maak ma Brah Yêhôva ueh lơn jêng nhhơr mpa ƀư brah.

Nau Hôr 28:9

Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Nơm Nti 5:1

Njrăng hom dôl may chuat tât ma ngih Brah Ndu. Ueh lơn tât dăch gŭ iăt rlau lơn jêng nhhơr mpa ƀư brah nâm bu phung rluk, yorlah khân păng nơm mâu gĭt năl ƀư nau mhĭk.

Nau Mprơ Ueh 2:14

Hơi plŭk gâp! Ay krap ay nơm tâm nđa lŭ, kêng mpir yôk rdâk, Ăn gâp dơi uănh muh măt ay, Jêh ri tăng bâr ay ngơi; Yorlah bâr ay njŭng rah rơch, Muh măt ay ueh reh.

Êsai 61:8

Yorlah Gâp, Brah Yêhôva, rŏng ma nau sŏng, Tâm rmot ma nau ntŭng jêh ri nau kue; Yor ri Gâp mra tĭng nau răp jăp gay nkhôm ma phung ƀon lan Gâp, Jêh ri Gâp mra ƀư đah khân păng nau tâm rnglăp n'ho ro.

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Yêrêmi 6:20

Moh nau Gâp ŭch ntăk si ƀâu kah tât bơh Sêba, Mâu lah n'hôl calamôs tât bơh bri ngai ngăn? Ndơ ƀư brah gŭch phung khân may mâu ueh nuih n'hâm Gâp, Lĕ mpa ƀư brah khân may ăt mâu ƀư maak ma Gâp lĕ.”

Daniel 9:23

Tơlah may ntơm mbơh sơm pôri nau luh jêh, jêh ri gâp văch mbơh nau nây ma may, yorlah may jêng nơm bu rŏng ngăn. Pônây mĭn hom nau nây jêh ri gĭt rbăng nau tâm saơ.

Kan Lêvi 7:18

Tơlah mbu nơm sa puăch ndơ ƀư brah đăp mpăn tâm nar tal pe, ndơ ƀư brah bơh nơm nây nhhơr mra mâu dơn jêh ri ndơ hŏ nhhơr ƀư brah nây bu mâu kơp ôh. Nĕ jêng du ntil nau ƀơ̆ ƀơch, mbu nơm sa puăch nây mra tuy nau tâm rmal.

Mika 6:6

Moh ndơ gâp mra djôt gay tâm mpơl tanăp măt Brah Yêhôva, Jêh ri chon mbah tra năp măt Brah Ndu ta klơ lơn? Gâp mra văch tât tra năp măt Păng ma lĕ ndơ ƀư brah gŭch Jêh ri ma phung kon ndrôk du năm ƀơh?

Mika 6:7

Brah Yêhôva mra maak ma âk rbăn mlâm biăp nkuăng Ma âk rbăn n'hor dak ngi ƀơh? Dơi lĕ gâp mra nhhơr kon bôk rah gâp yor nau gâp ƀư tih, Jêh ri nhhơr kao play bơh ndŭl proch săk jăn gâp yor nau tih gâp mâu?

Ndrom Samƀŭt bơh Agê 2:14

Y-Agê lah: “Brah Yêhôva lah: ‘Panăp măt Gâp, phung ƀon lan aơ, bri dak aơ tâm ban pônây lĕ, lĕ rngôch kan ti khân păng ƀư tâm ban lĕ; moh ndơ khân păng nhhơr ta aơ jêng ƀơ̆ da dê.’

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Yôhan 4:24

Brah Ndu jêng brah, mbu nơm ŭch yơk mbah ngăn ma Păng, ăn păng yơk mbah ma huêng jêh ri ma nau ngăn.”